Вы тут

Ролю Кіраўніцтва справамі Прэзідэнта трэба павышаць


Ролю і значэнне Кіраўніцтва справамі Прэзідэнта ў эканоміцы краіны неабходна ўзмацняць. Такую задачу кіраўнік дзяржавы Аляксандр Лукашэнка паставіў падчас рабочай сустрэчы з кіраўніком спраў Прэзідэнта Віктарам Шэйманам.


«На гэта трэба арыентавацца. І ролю Кіраўніцтва справамі трэба павышаць. Гэта галоўная задача», — падкрэсліў беларускі лідар. Таксама абмяркоўваліся вынікі работы Кіраўніцтва справамі і падведамных прадпрыемстваў у 2017 годзе і перспектывы на будучы перыяд. Адзначана, што прадпрыемствы, якія ўваходзяць у структуру, паказалі добрую дынаміку, павысілася рэнтабельнасць у сельскагаспадарчым і прамысловым сегментах. Экспарт тавараў і паслуг у цэлым па Кіраўніцтве справамі летась вырас на 21,4 % у параўнанні з 2016-м. Дадатнае сальда знешняга гандлю павялічылася на 24 %.

Кіраўніку дзяржавы таксама далажылі аб планах па асваенні новых кірункаў у дзейнасці Кіраўніцтва справамі. Так, прапрацоўваецца пытанне пашырэння работы ў галіне фармацэўтыкі. Адпаведная тэматыка абмяркоўваецца з партнёрамі ў Індыі і Казахстане. Акрамя таго, разгледжана пытанне стварэння прадпрыемства ў сферы электронных латарэй.

Віктар Шэйман далажыў Прэзідэнту аб рэфармаванні сельскагаспадарчага холдынга, які ўваходзіць у структуру Кіраўніцтва справамі, стварэнні тавараправоднай сеткі па пастаўках у расійскія рэгіёны мясной і малочнай прадукцыі.

Вераніка ПУСТАВІТ

Фота БЕЛТА

Загаловак у газеце: Спрацавалі ўдала

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці