Вы тут

XXVI Рэспубліканскі турнір юных фізікаў пройдзе ў Ліцэі БДУ


Яго ўдзельнікамі стануць 75 школьнікаў з Беларусі і Расіі, якія выступяць у складзе 15 каманд. На спаборніцтвах будуць прадстаўлены навучальныя ўстановы Мінскай, Гродзенскай, Віцебскай, Магілёўскай і Гомельскай абласцей, а таксама  горада Варонежа (Расія). Ліцэісты БДУ будуць змагацца за перамогу ў складзе адной зборнай.


Каманды чакаюць некалькі фізічных “баёў”, падчас якіх навучэнцы выступаюць з дакладам, абараняюць уласнае рашэнне задачы, аспрэчваюць меркаванне апанентаў і рэцэнзуюць работу сваіх канкурэнтаў.

Фінальны паядынак адбудзецца 12 лютага. З лепшых удзельнікаў інтэлектуальных спаборніцтваў будзе сфарміравана каманда, якая прадставіць Беларусь на Міжнародным турніры юных фізікаў, які пройдзе ў ліпені гэтага года ў Пекіне (Кітай).

Даведка:

Турнір юных фізікаў — камандныя спаборніцтвы навучэнцаў старшых класаў у вырашэнні фізічных праблем, скіраваныя на папулярызацыю фізікі, як навукі, а таксама на прыцягненне да даследчай дзейнасці школьнікаў. Першы турнір адбыўся ў сакавіку 1979 года як працяг фізбаёў паміж зборнымі Масквы і Падмаскоўя. У пачатку 80-х гадоў да турніру далучыліся каманды з іншых гарадоў СССР і ён атрымаў статус Усесаюзнага. А ў 1987 годзе  турнірам юных фізікаў зацікавіліся каманды з іншых дзяржаў, так ён стаў міжнародным.

Надзея НІКАЛАЕВА

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.