20 Люты, аўторак

Вы тут

Экс-гендырэктар Банкаўскага працэсінгавага цэнтра асуджаны на 6 гадоў


Былы кіраўнік Банкаўскага працэсінгавага цэнтра Генадзь Зубараў асуджаны на 6 гадоў калоніі ўзмоцненага рэжыму, паведаміла прэс-сакратар Вярхоўнага суда Юлія Ляскава.


Генадзь Зубараў. Фота: БЕЛТА

Генадзя Зубарава прызналі вінаватым у прыняцці службовай асобай для сябе матэрыяльных каштоўнасцяў, якія прадстаўляюцца выключна ў сувязі з займаемым ім службовай становішчам, за спрыяльнае рашэнне пытанняў, якія ўваходзяць у яго кампетэнцыю, выкананне ў інтарэсах таго, хто дае хабар якога-небудзь дзеяння, якое гэта асоба магла здзейсніць з выкарыстаннем сваіх службовых паўнамоцтваў, учыненае паўторна, у асабліва буйным памеры». Яму прызначана пакаранне ў выглядзе пазбаўлення волі на тэрмін 5 гадоў з канфіскацыяй усёй маёмасці.

Ён таксама прызнаны вінаватым у завалоданні маёмасцю, учыненым службовай асобай з выкарыстаннем сваіх службовых паўнамоцтваў, у асабліва буйным памеры. Яму прызначана пакаранне ў выглядзе пазбаўлення волі тэрмінам на 5 гадоў 6 месяцаў з канфіскацыяй усёй маёмасці.

Па сукупнасці злачынстваў, шляхам частковага складання прызначаных пакаранняў Зубараў прысуджаны да пазбаўлення волі тэрмінам на 6 гадоў з канфіскацыяй усёй маёмасці, з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, на тэрмін пяць гадоў з адбываннем пакарання ў папраўчай калоніі ва ўмовах узмоцненага рэжыму.

Суд таксама вынес прысуд другому фігуранту справы - грамадзяніну Латвіі. Ён прызнаны вінаватым у дачы хабару ў буйным памеры, яму прызначана пакаранне ў выглядзе пазбаўлення волі на тэрмін у 2 гады з адбываннем пакарання ў папраўчай калоніі ва ўмовах узмоцненага рэжыму.

Прысуд у законную сілу не ўступіў і можа быць абскарджаны і апратэставаны ва ўстаноўленым законам парадку.

Што адбылося?

Як паведамлялася, Генадзю Зубараву абавязвалася некалькі эпізодаў атрымання хабару ў асабліва буйным памеры. Па версіі абвінавачвання, на пасадзе гендырэктара Банкаўскага працэсінгавага цэнтра ён з мая 2011 па студзень 2016 года, знаходзячыся ў Беларусі, Расіі, Літве, Латвіі, Украіне, Аўстрыі, Польшчы, прыняў ад прадстаўніка латвійскай кампаніі грошы на агульную суму больш як 2 млн 262 тыс. еўра за заключэнне дагавораў паміж цэнтрам і гэтай фірмай па набыцці ліцэнзій і невыключных правоў на выкарыстанне праграмнага забеспячэння.

Акрамя таго, як вынікае з абвінавачвання, Генадзь Зубараў з сакавіка 2011 па жнівень 2016 года з выкарыстаннем сваіх службовых паўнамоцтваў здзейсніў крадзеж грашовых сродкаў Банкаўскага працэсінгавага цэнтра на агульную суму больш як Br414 тыс. Пасродкам іх пераводу на разліковы рахунак падкантрольнага яму ТАА "Картсервис", а у далейшым - на рахунак таксама падкантрольнай ITI CORPORATION. Тым самым абвінавачанаму інкрымінуецца здзяйсненне злачынства, прадугледжанага ч.4. арт.210 КК Беларусі.

Трэці эпізод адносіцца да перыяду з ліпеня 2011 па лістапад 2012 года. Знаходзячыся ў Беларусі, Літве, Латвіі, Генадзь Зубараў прыняў хабар на агульную суму звыш $ 265 тыс. За заключэнне дагавораў паміж працэсінгавы цэнтрам і замежнымі кампаніямі на набыццё абсталявання (банкаматаў) маркі NCR, расходных матэрыялаў, паслуг, ліцэнзій на праграмнае забеспячэнне, запчастак да абсталявання . А з красавіка 2013 па люты 2014 году ён прыняў грашовыя сродкі на агульную суму звыш $ 408 тыс. За набыццё цэнтрам у кампаній Расіі, Кіпра, Віргінскіх астравоў тэрмінальнага абсталявання і камплектуючых да яго маркі Verifon.

БЕЛТА, TUT.BY

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?