Пры аншлагу на Алімпійскім стадыёне ў Пхёнчхане, які змяшчае 35 тыс. гледачоў, завяршылася ўрачыстая цырымонія адкрыцця XXIII зімовай Алімпіяды.
Парад каманд па традыцыі адкрылі спартсмены Грэцыі. Сцяганосцам беларускай дэлегацыі на цырымоніі адкрыцця Гульняў стала алімпійская чэмпіёнка Сочы-2014 фрыстайлістка Ала Цупер. Для яе гэта ўжо шостая Алімпіяда ў кар'еры. Самым дасведчаным у складзе беларускай зборнай з'яўляецца лыжнік Сяргей Далідовіч, які ў сёмы раз прымае старт на Алімпійскіх гульнях. У складзе беларускай каманды ў Пхёнчхане выступяць 32 атлеты, якія будуць спаборнічаць за медалі ў 6 відах спорту.
Парад каманд завершыў сумесны марш спартсменаў Рэспублікі Карэя і КНДР.
Усяго на зімовай Алімпіядзе 2018 чакаецца ўдзел больш як 2,5 тыс. спартсменаў з 92 краін. Яны разыграюць 102 камплекты ўзнагарод. Першыя чэмпіёны і прызёры цяперашніх Гульняў вызначацца ў суботу, 10 лютага.
Фота NBC Olympics, Olympic Channel, БЕЛТА, ТАСС, REUTERS
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.