Вы тут

Тыдзень роднай мовы пройдзе ў НАН Беларусі з 19 па 23 лютага


Тыдзень роднай мовы пройдзе ў Нацыянальнай акадэміі навук Беларусі з 19 па 23 лютага, паведамілі ў прэс-службе НАН.


Ён прымеркаваны да святкавання Міжнароднага дня роднай мовы, які адзначаецца 21 лютага. Падчас Тыдня роднай мовы ў Інстытуце мовазнаўства імя. Якуба Коласа НАН Беларусі пройдзе шэраг мерапрыемстваў.

У панядзелак, 19 лютага, у 11.00 адбудзецца навукова-практычны семінар "Сусветная мовазнаўчая славістычныя бібліяграфія ў інтэрнэце: прынцыпы функцыянавання і практычнае выкарыстанне ў навуковай дзейнасці". Семінар прысвечаны аднаму з найважнейшых складнікаў і інструментаў дзейнасці вучоных і журналістаў - навуковай інфармацыі. Удзельнікі атрымаюць рэкамендацыі па практычным выкарыстанні бібліяграфічнай базы iSybislaw і даведаюцца аб разнастайных пошукавых інструментах для эфектыўнай працы з бібліяграфічнай інфармацыяй. У 14.00 Савет маладых навукоўцаў правядзе забаўляльна-адукацыйнае мерапрыемства "Мова-Quiz" для творчай моладзі НАН Беларусі. Удзельнікі гульні-віктарыны змогуць прадэманстраваць свае творчыя здольнасці, логіку, веданне беларускай мовы і культуры.

У аўторак, 20 лютага, у 10.00 у Інстытуце мовазнаўства НАН пройдзе сустрэча навукоўцаў-мовазнаўцаў з навучэнцамі гімназіі №23 Мінска. Падчас сустрэчы будзе праведзена прэзентацыя "Гісторыя беларускага пісьменства". У 14.00 адбудзецца пасяджэнне круглага стала "Беларуская мова і бізнэс", на якое запрошаны прадстаўнікі беларускіх фірмаў, кампаній, рэкламных агенцтваў, банкаў, Міністэрства антыманапольнага рэгулявання і гандлю і інш.

У сераду, 21 лютага, у 10.00 пачне працу Міжнародная навуковая канферэнцыя "Беларуская мова ў сферы sacrum: гісторыя і сучаснасць". У 14.00 пройдзе прэзентацыя юбілейнага выдання "Псалтыра" ў перакладзе на сучасную беларускую мову. У 14.30 адбудзецца круглы стол "На якой мове звяртацца да Бога", прысвечаны праблемам прымянення рэлігійнай тэрміналогіі.

У чацвер, 22 лютага, у 18.30 у Дзяржаўным літаратурна-мемарыяльным музеі Якуба Коласа адбудзецца сустрэча на тэму "Па старонках "Гістарычнага слоўніка беларускай мовы", удзельнікі якой змогуць павучыцца чытаць старажытныя тэксты і паразважаць пра ролю слоўніка ў сучаснай культуры.

Міжнародны дзень роднай мовы - штогадовае свята, заснаваны ў 1999 годзе рашэннем Генеральнай сесіі ЮНЕСКА. Галоўная яго мэта - захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай.

БЕЛТА

Дадаць каментар

Выбар рэдакцыі

Грамадства

Як папярэдзіць няшчасныя выпадкі з дзецьмі?

Як папярэдзіць няшчасныя выпадкі з дзецьмі?

Кожны тыдзень у хірургічнае аддзяленне трапляе чатыры—пяць пацыентаў, якія праглынулі іншароднае цела.

Грамадства

У Футбольным манежы завяршыўся конкурс WorldSkіlls Belarus 2018

У Футбольным манежы завяршыўся конкурс WorldSkіlls Belarus 2018

Урачыстая цырымонія закрыцця прайшла ў спартыўным комплексе «Веладром».

Эканоміка

Што атрымае сельская гаспадарка ад вырошчвання соі?

Што атрымае сельская гаспадарка ад вырошчвання соі?

Гэту тэму падказаў наш чытач: у сваім лісце ён абураўся, чаму на Беларусі не вырошчваецца соя.

Эканоміка

Новабудоўлі: бюджэтных прапаноў амаль не засталося

Новабудоўлі: бюджэтных прапаноў амаль не засталося

Але на другасным рынку «хапун» на нерухомасць хутка скончыцца, лічаць эксперты.