Вы тут

У краіне імкліва расце колькасць банкаўскіх картак


На пачатак года на руках у насельніцтва было 13 мільёнаў 854,9 тысячы плацежных банкаўскіх картак, паведамляе Нацыянальны банк. За мінулы год іх колькасць вырасла на 1 мільён 173,5 тысячы штук. Для параўнання, у 2016 годзе картак стала больш на 336,4 тысячы, а за 2015-ы — на 1,9 тысячы.


Больш за ўсё картак у нацыянальнай плацежнай сістэмы Белкарт — 4 млн 806,1 тысячы і Белкарт/Maestro — 868,5 тысячы. Другое месца займае сістэма VІSA — 4 млн 635,8 тысячы, а трэцяе MasterCard — 3 млн 544,5 тысячы.

Доля безнаяўных аперацый па картках летась складала 83,1 %. Для параўнання: у 2010 годзе гэты паказчык быў роўны 49,7 %. Калі параўноўваць па сумах плацяжоў, то па-ранейшаму наперадзе наяўная аплата, на якую прыпадае 55,3 %.

Паводле паведамленняў Нацбанка, за мінулы год у Беларусі вырасла колькасць банкаматаў — да 4404 (плюс 18).
А вось інфакіёскаў стала менш — 3294 (годам раней — 3394). Колькасць тэрміналаў у арганізацыях гандлю расце — 150 946 на пачатак гэтага года супраць 139 608 на аналагічны перыяд мінулага года.

Сяргей КУРКАЧ

Загаловак у газеце: «Пластыкавы» рэкорд

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.