20 Люты, аўторак

Вы тут

Раім схадзіць


Дакументальны фільм пра Гагена, фестываль «Вершы на асфальце», лядовыя скульптуры ў Цэнтральным батанічным садзе, шляхецкая Масленіца і свята «Усходні Новы год» — афіша «Звязды» з 12 па 18 лютага.


Дакументальны фільм «Гаген: Таіці і Маркізскія астравы»

Дзе: НЦСМ на Някрасава (вул. Някрасава, 3)

Калі: 14 лютага, 19:00

Колькі каштуе: удакладняць у касе

Каб стаць мастаком, Поль Гаген кінуў працу на біржы і ў 1885 годзе ва ўзросце 37 гадоў намаляваў свой першы аўтапартрэт. Ён вучыўся жывапісу ў музеях, дзе разглядаў палотны вялікіх майстроў і сяброў-імпрэсіяністаў. З забяспечанага чалавека Гаген раптоўна ператварыўся ў жабрака... Жонка-датчанка забрала дзяцей і вярнулася ў Капенгаген. Гаген невыносна пакутаваў ад недахопу грошай і бяздушнасці індустрыяльнага грамадства, якое, як ён лічыў, нясе толькі гібель усяму свету. Пачынаючы з 1890 года ён марыў пра Таіці, пра магчымасць пачаць новае жыццё...

Пасля прагляду фільма запланавана яго абмеркаванне ў рамках работы дыскусійнага клуба BLOWUP Нацыянальнага цэнтра сучасных мастацтваў.


Фестываль «Вершы на асфальце»

Дзе: галерэя ТUT.BY (пр-т Дзяржынскага, 57) і кавярня-клуб «Грай» (вул. Інтэрнацыянальная, 33)

Калі: 16-17 лютага, 19:00

Колькі каштуе: бясплатна

У гэтым годзе ў фестывалі прымуць удзел паэты, перакладчыкі і музыканты з Беларусі, Расіі, Украіны, Польшчы, Нарвегіі і Швецыі. Сярод шаноўных гасцей — зоркі еўрапейскай літаратуры: нарвежац Стэйнар Обстад, паэткі Атэна Фарухсад (Швецыя) і Вальжына Морт (ЗША-Беларусь).

Запланаваны паэтычныя чытанні, прэзентацыі арыгінальных і перакладных кніг, круглы стол па вяртанні рэпрэсаванай літаратуры, музычныя выступленні, перакладчыцкі батл, а таксама «Ноч паэзіі і музыкі» з узнагароджаннем фіналістаў конкурсу «Верш пра каханне». Акрамя таго, упершыню будзе ўручана прэмія імя Міхася Стральцова.


Фестываль лядовых скульптур

Фота БЕЛТА.

Дзе: Цэнтральны батанічны сад НАН Беларусі (пл. Калініна)

Калі: 17 лютага, 13:00

Колькі каштуе: 6 р.

Паглядзець і ацаніць працы лепшых прафесійных майстроў скульптуры, якія прымаюць удзел у міжнародных фестывалях, можна будзе з 15 лютага. Аднак афіцыйнае адкрыццё фестывалю лядовых скульптур адбудзецца 17 лютага а 13-й гадзіне.

Вясёлая інтэрактыўная святочная праграма пачнецца з тэатральнага шэсця. Наведвальнікаў чакае разнастайная праграма з песнямі, жартамі, беларускімі танцамі, конкурсамі і зімовымі гульнямі. Кульмінацыяй свята стане незабыўнае фаер-шоу, традыцыйны кулачны бой і спаленне пудзіла зімы, якое ўвасабляе ўсё самае дрэннае і цёмнае.


Шляхецкая Масленіца

Дзе: музейны комплекс «Дудуткі» (в. Пціч)

Калі: 17-18 лютага, 11:30

Колькі каштуе: 10 р., дзеці і падлеткі 6-17 год — 6 р., да 6 год — бясплатна

Вы зможаце акунуцца ў свет традыцый, стаць героем «шляхецкіх забаваў», дзе выпрабуеце свае сілу і спрыт у стральбе з лука, перацягванні ліны, розных гульнях і баях. Самым моцным і стойкім трэба будзе заваяваць «вяршыню» — масленічны слуп з падарункамі.

Акрамя таго, для добрага настрою вас чакаюць гарачыя блінцы, дранікі і іншыя стравы нацыянальнай кухні. Першая тысяча гасцей атрымае масленічны блінец абсалютна бясплатна!


Свята «Усходні Новы год»

Дзе: Нацыянальны мастацкі музей (вул. Леніна, 20)

Калі: 18 лютага, 12:00

Колькі каштуе: 10 р. 80 к., дзеці, школьнікі, студэнты, пенсіянеры — 7 р. 20 к.

У гэты дзень гасцей чакае культурная падарожжа па традыцыях Паднябеснай, Краіны ранішняй свежасці і Краіны ўзыходзячага сонца.

Вы пазнаёміцеся з сімваламі ўсходняга Новага года, паспрабуеце сябе ў кітайскай каліграфіі, зловіце ўсходні дух у традыцыйных гульнях, разгадате кітайскія загадкі, зможаце ўбачыць відэаролікі з вандровак па краінах Далёкага Усходу. І гэта далёка не ўсё!


Парк чароўных ліхтароў

Дзе: «Дрымлэнд» (вул. Арлоўская, 80)

Калі: пастаянная экспазіцыя

Колькі каштуе: 10 р., 6 р. — студэнты, 4 р. — школьнікі

26 студзеня ў парку «Дрымлэнд» адкрылася цудоўная экспазіцыя ў выглядзе светлавых дыёдных інсталяцый. Вялікая колькасць фігур раскіданыя па ўсім парку. З усёй гэтай прыгажосцю вы можаце фатаграфавацца і заліваць здымкі ў сацыяльныя сеткі (чым не нагода абнавіць свой Instagram?). Больш за 40 розных кампазіцый чакаюць вас! Праца пачынаецца з першай цемрай — з 16:30 і доўжыцца да 23:30 кожны дзень.

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?