20 Люты, аўторак

Вы тут

Афіша рамантычная


Напярэдадні самага рамантычнага свята зімы — Дня ўсіх закаханых — прапануем вам шэсць ідэй, як правесці яго ярка і незабыўна.


Рамантычны люты ў «Музеі Ката»

Дзе: «Музей Ката» (вул. Інтэрнацыянальная, 23)

Калі: па 28 лютага, 11:00-20:00

У лютым «Музей Ката» экспануе выставу на рамантычную тэму. Ужо зараз памяшканне ўпрыгожана сотнямі пунсовых сэрцаў і валянцінак!

Наведвальнікаў чакаюць творы мастацтва і настольныя гульні на каціную тэматыку, гарачыя напоі і прысмакі з «Котакафэ».


«Форэст Гамп» у беларускай агучцы

Фота edinstvennaya.ua.

Дзе: музей Якуба Коласа (вул. Акадэмічная, 5)

Калі: 14 лютага, 18:00

Сусветна вядомыя кіназоркі Том Хэнкс, Робін Райт і Салі Філд дапамогуць трошкі падумаць і парэфлексіраваць усім у гэты дзень.

Акрамя таго, нагадаем: з 7 па 14 лютага музей праводзіць анлайн-акцыю «Закаханыя ў Коласа». Усё проста: неабходна зрабіць сэлфі з ключавымі прадметамі і фотаздымкамі Якуба Коласа і яго жонкі Марыі Дзмітрыеўны і запосціць яго ў сацыяльныя сеткі (Instagram або «УКантакце») з адмысловым хэштэгам #loveinkolasmuseum. Пераможцы атрымаюць квіткі ў Беларускі дзяржаўны акадэмічны музычны тэатр, Нацыянальны Акадэмічны драматычны тэатр імя М. Горкага, а такама ў кінатэатр Silver Screen. 


«Хуткія спатканні» ў трамваі

Дзе: трамвай

Калі: 14 лютага, 18:00

У Дзень усіх закаханых культурная пляцоўка «Арт Сядзіба» ладзіць «Хуткія спатканні» ў трамваі, які паедзе ад Батанічнай да Зялёнага Лугу, а затым на Возера.

10 хлопцаў і 10 дзяўчат, якія адно аднаго не ведаюць, будуць мець усяго толькі пяць хвілін, каб пазнаёміцца. Па выніках размоў кожны зможа адзначыць, хто яму ці ёй спадабаўся. 

Пасля «Хуткіх спатканняў», а 20-й гадзіне, усіх чакае музычная імпрэза. 

Каб паўдзельнічаць, неабходна пакінуць заяўку


Балет на лёдзе «Лебядзінае возера»

Фота culbyt.comculbyt.com.

Дзе: «Чыжоўка-Арэна» (вул. Ташкенцкая, 19)

Калі: 14 лютага, 19:00

Знакамітая гісторыя кахання ў новай інтэрпрэтацыі Дзяржаўнага балета на лёдзе Санкт-Пецярбурга (былога Ленінградскага дзяржаўнага балета на лёдзе), заснаванага ў 1967 годзе выдатным рускім харэографам Канстанцінам Баярскім, стане выдатным падарункам для каханага чалавека.


Канцэрт Libertango

Дзе: Беларуская дзяржаўная філармонія (пр-т Незалежнасці, 50)

Калі: 14 лютага, 19:00

Акрамя вядомых і любімых кампазіцый Астара П'яцолы, у праграме прагучаць творы, якія ніколі раней не выконваліся, а таксама танга Хрыстаса Хаціса, у якіх музыка — спосаб выказвання самых патаемных думак, танга Карласа Гардэля, якога ў Аргентыне па праве лічаць Каралём гэтага жанру, танга Оскара Строка і, канешне, танга з любімых фільмаў.


Начное шоу ў дэльфінарыі

Дзе: дэльфінарый «Нэма» (вул. Ташкенцкая, 40)

Калі: 14 лютага, 21:00

Рамантычнае начное шоу ў дэльфінарыі — гэта зачаравальныя мелодыі саксафона, лазернае і вогненнае відовішча, акрабатычныя і танцавальныя нумары, таленавітыя артысты і, канешне, мора кахання!

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?