Вы тут

Гамяльчанін выратаваў школьніцу, якая правалілася пад лёд


Гамяльчанін выратаваў школьніцу, якая правалілася пад лёд, паведаміў вядучы спецыяліст Гомельскай абласной арганізацыі Беларускага рэспубліканскага таварыства выратавання на водах Сяргей Касцючэнка.


Фота: actual.today

Інцыдэнт адбыўся сёння каля апоўдня. Трое сябровак выгульвалі сабаку каля возера ў Навабеліцкім раёне абласнога цэнтра. У нейкі момант дзяўчынка 2007 года нараджэння выйшла на лёд і правалілася. На шчасце, міма праходзіў мужчына, які і выратаваў жыццё школьніцы. "Гамяльчанін пачуў крыкі і ўбачыў дзяўчынку, якая напалову пайшла ў ваду. Яе сяброўкі стаялі побач на лёдзе. Мужчына стаў прасоўвацца да палонкі. Лёд прыйшлося праломваць уўручную. Увесь гэты час школьніца трымалася за крыгу. Мужчына схапіў дзіця і выштурхаў да берага", - распавёў падрабязнасці Сяргей Касцючэнка.

Медыкі агледзелі дзяўчынку і мужчыну. Пацярпелая і яе выратавальнік адчуваюць сябе здавальняюча, іх здароўю нішто не пагражае.

У Гомельскай абласной арганізацыі ТРВАД нагадалі аб небяспецы, якая пагражае грамадзянам пры выхадзе на лёд. "У цяперашні час лёд на вадаёмах вобласці неаднародны і нестабільны, таму правяраць яго на трываласць не варта. Дарослым неабходна расказаць дзецям пра небяспеку гульняў на лёдзе і навучыць іх, як дзейнічаць. Аднак самы бяспечны варыянт, калі дзеці наогул не будуць выходзіць на лёд, ні пад наглядам дарослых, ні тым больш адны ", - падкрэсліў Сяргей Касцючэнка.

БЕЛТА

Дадаць каментар

Выбар рэдакцыі

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.

Культура

Віктар Альшэўскі: І з фанеры можна стварыць нешта выключнае

Віктар Альшэўскі: І з фанеры можна стварыць нешта выключнае

У «высокім» арт-асяродку таксама ёсць месца жарсцям і інтрыгам. 

Грамадства

Дзень маці адсвяткавалі ў Нацыянальным цэнтры ўсынаўлення

Дзень маці адсвяткавалі ў Нацыянальным цэнтры ўсынаўлення

Папяровыя кветкі, маляўнічыя паштоўкі, песні, танцы і мора праніклівых, ласкавых слоў.