Канчыту Вурст, Маргарыту Церахаву, Алену Ваенгу, Людмілу Гурчанка — гэтых і многіх іншых «зорак» можна было ўбачыць на чарговым шоў у раённым доме культуры Лёзна.
“Адзін у адзін” па-лёзненску стаў праектам, дзякуючы якому людзі вельмі далёкія ад мастацтва, становяцца “зоркамі” пародыі.
Першыя выпрабаванні правялі пазалетась, і з кожным годам праект становіцца ўсё больш цікавым. На прадстаўленне не сорамна запрасіць нават вядомых артыстаў, каб яны ўбачылі сваіх двайнікоў. Там пабываў наш карэспандэнт.
Усе квіткі коштам 4 рублі на прадстаўленне былі прададзеныя за пару дзён, што пацвярджае папулярнасць шоу ў раёне.
Самадзейныя артысты працуюць у розных арганізацыях, на прадпрыемствах. Раней большасць з іх ніколі не выходзілі на сцэну, але вельмі пастараліся увайсці ў вобразы. Ды так, што многіх нават тутэйшыя не адразу пазнавалі.
Напрыклад, настаўнік фізкультуры стаў… Аленай Ваенгай. А грузчык хлебнай базы з жонкай цудоўна прадставілі вобразы готаў з серыяла “Сваты”. Пара, дарэчы, ад усіх членаў журы атрымала вышэйшы бал.
Аляксандр ПУКШАНСКІ, Лёзненскі раён
Мерапрыемства праводзілася на добраахвотнай аснове.
Не выявіць ні секунды абыякавасці.
