На пажары ў Клецкім раёне выратаваны тры чалавекі, яшчэ 11 былі эвакуяваны.
— Бліжэй да вечара паступіла паведамленне пра загаранне ў шматкватэрным жылым доме ў аграгарадку Янавічы. На месцы падраздзяленні ўбачылі моцнае задымленне ў жыллі на другім паверсе трохпавярховага дома, — расказала афіцыйны прадстаўнік Мінскага абласнога ўпраўлення МНС Анастасія Швайбовіч. — Тут у пакоі знайшлі загінулага гаспадара 1973 года нараджэння. Па словах суседзяў, мужчына пражываў адзін.
З вышэйразмешчанай кватэры па лесвіцы работнікі МНС выратавалі жанчыну 1994 года нараджэння і яе сына 2014 года нараджэння. З гэтага ж жылля пры дапамозе маскі вывелі па лесвічных маршах пенсіянерку 1951 года нараджэння. З суседніх кватэр ратавальнікі эвакуявалі 11 чалавек. Прычына пажару ўстанаўліваецца. Версія, якая разглядаецца, — неасцярожнасць пры курэнні.
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.