Несумяшчальныя з жыццём траўмы 37-гадовая лабарантка ААТ «Торфабрыкетны завод Лідскі» атрымала пры правядзенні фізіка-механічных выпрабаванняў трываласці брыкету.
Як паведаміла ўпраўленне Следчага камітэта па Гродзенскай вобласці, устаноўлена, што жанчына, якая атрымала цялесныя пашкоджанні, выконвала свае абавязкі з выкарыстаннем механічнай устаноўкі, якая не адпавядала патрабаванням бяспекі. Гэта прывяло да таго, што адзенне жанчыны зачапілася за абсталяванне, яна была траўмаваная сталёвым барабанам. Вострая страта крыві і траўматычны шок прывялі да смерці.
Па факце парушэння правілаў аховы працы, што прывяло да смерці чалавека па неасцярожнасці, распачата крымінальная справа. Падазраваным у здзяйсненні злачынства прызнаны 27-гадовы майстар змены брыкетнага цэха.
Канчатковая прававая ацэнка будзе дадзена па выніках расследавання крымінальнай справы.
Сяргей РАСОЛЬКА
Мерапрыемства праводзіцца на добраахвотнай аснове.
Не выявіць ні секунды абыякавасці.