Вы тут

Мінск трэці раз прыме турнір Еўрапейскіх чэмпіёнаў па індорхакеі


Мінск прыме другі па значнасці клубны турнір Еўрапейскіх чэмпіёнаў па індорхакеі сярод мужчынскіх каманд, паведамілі ў прэс-службе Беларускай федэрацыі хакея на траве.


На першым этапе спаборніцтваў 8 каманд размеркаваны на дзве групы. Гаспадар турніру чэмпіён Беларусі ХК "Мінск" у квартэце В 16 лютага згуляе з французскім "Лілем" і шведскім "Партылем", а 17 лютага сустрэнецца з харвацкім клубам "Зеліна". У папярэдняй групе А выступяць польскі "Памаржанін", дацкі "Слагелсе", італьянскі "Бра" і шатландскі "Груў Мензішыл".

Пасля завяршэння групавога этапу барацьбу за ўзнагароды прадоўжаць па дзве лепшыя каманды. Пераможца і прызёры турніру, які пройдзе на пляцоўцы сталічнага палаца спорту "Уручча", вызначацца 18 лютага.

Беларуская сталіца не першы раз прыме кантынентальныя спаборніцтвы па індорхакеі. У 2014 годзе мужчынскія клубы гулялі на паркеце "Чыжоўка-Арэны", а ў 2016 годзе ў веладроме "Мінск-Арэны" былі згуляны матчы фіналу Кубка клубных каманд сярод жанчын.

На мінулым тыдні жаночая зборная Беларусі паспяхова выступіла ў розыгрышы Кубка свету па індорхакеі, упершыню стаўшы бронзавым прызёрам гэтага прэстыжнага турніру.

БЕЛТА

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці