Вы тут

Карэспандэнт «Звязды» стала лаўрэатам конкурса Міністэрства абароны


Штогод беларускай арміі ў сярэднім прысвячаецца звыш трох тысяч публікацый у друку, каля 150 гадзін тэле- і 80 радыёэфіру

Традыцыйна напярэдадні Дня абаронцаў Айчыны і Узброеных Сіл Беларусі, якія днямі святкуюць сваё 100-годдзе, найлепшыя журналісты краіны, што знаёмяць аўдыторыю з тонкасцямі вайсковай службы, атрымліваюць заслужаныя ўзнагароды.


Лаўрэатам штогадовага творчага конкурсу на лепшае асвятленне ў СМІ пытанняў будаўніцтва і развіцця Узброеных Сіл, патрыятычнага выхавання насельніцтва ў намінацыі «Аўтарскі погляд» каторы год запар стала і наш карэспандэнт Вераніка Канюта.

Пераможцы конкурсу вызначаны ў 17 творчых намінацыях, якія ахапілі ўвесь спектр інфармацыйнай дзейнасці, усе сучасныя жанры, формы і спосабы асвятлення ваенна-патрыятычнай тэматыкі.

— Сёння мы маем права казаць аб высокай эфектыўнасці і выніковасці супрацоўніцтва Узброеных Сіл і сродкаў масавай інфармацыі, — адзначыў падчас цырымоніі ўзнагароджвання міністр абароны генерал-лейтэнант Андрэй РАЎКОЎ. — Прыкладам чаго з'яўляецца асвятленне сумеснага стратэгічнага вучэння «Захад-2017», па завяршэнні якога кіраўнік дзяржавы даў найвышэйшую ацэнку работы СМІ. Дзякуючы ім грамадскасць штодзённа знаёміцца з вынікамі развіцця і будаўніцтва Узброеных Сіл нашай краіны. Творчае майстэрства і сапраўдны патрыятызм — найлепшыя якасці беларускага журналіста.

Як заўважыў міністр інфармацыі Аляксандр КАРЛЮКЕВІЧ, старонкі газет, прысвечаныя розным аспектам жыццядзейнасці Узброеных Сіл, чытаюць ва ўсёй краіне. «Тыя тэлевізійныя і радыйныя праграмы, якія маюць добрыя шматгадовыя традыцыі, з якіх глядач і радыёслухач даведваецца пра сённяшнія падзеі, пра подзвігі, якія здзяйсняюцца салдатамі нашых Узброеных Сіл, безумоўна, прыцягваюць увагу, — перакананы міністр. — Хацелася б, каб гэтая тэма і надалей заставалася галоўнай у плане выхавання насельніцтва і журналісцкіх зносін з чытачом».

Ул. інф

Фота БЕЛТА

Загаловак у газеце: Словамі патрыятызму

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.