Шырокі антыцыклон вызначае надвор'е ў Беларусі. Але ён павольна адыходзіць на ўсход, і ў гэтыя выхадныя атмасферныя франты прынясуць больш цёплае паветра з боку Заходняй Еўропы. Таму маразы аслабеюць, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння ўдзень на значнай частцы тэрыторыі краіны пройдзе невялікі снег. Месцамі чакаюцца слабыя туман і галалёд. На асобных участках дарог галалёдзіца. Максімальная тэмпература паветра складзе ад 4 марозу да 2 цяпла. У суботу і нядзелю надвор'е ў Беларусі будуць вызначаць атмасферныя франты і больш цёплыя паветраныя масы, якія паступаюць з тэрыторыі Балтыйскага мора. На большай частцы тэрыторыі краіны пройдуць кароткачасовы снег і мокры снег. У асобных раёнах чакаюцца туман, слабы галалёд, на дарогах галалёдзіца. Тэмпература паветра ўначы складзе ад мінус 1 да мінус 7 градусаў, удзень будзе ад 3 марозу да 3 цяпла.
Згодна з папярэднімі прагнозамі айчынных спецыялістаў, у пачатку наступнага тыдня ўмовы надвор'я на тэрыторыі Беларусі будзе вызначаць вобласць павышанага атмасфернага ціску і вільготная халодная паветраная маса, якая паступае з поўначы Еўропы. Ізноў пахаладае. У панядзелак у асобных раёнах краіны пройдзе кароткачасовы снег. Месцамі на дарогах галалёдзіца. Тэмпература паветра ўначы панізіцца да 5—11 марозу, удзень — ад нуля да мінус 6 градусаў. У аўторак у асобных раёнах краіны пройдзе невялікі кароткачасовы снег. Месцамі на дарогах галалёдзіца. Тэмпература паветра ўначы складзе ад мінус 6 да мінус 11 градусаў, па поўначы пры праясненнях паветра астудзіцца да 14 марозу, тэмпература удзень будзе мінус 2—8 градусаў.
Сяргей КУРКАЧ
Мерапрыемства праводзілася на добраахвотнай аснове.
Не выявіць ні секунды абыякавасці.
