Беларускі фрыстайліст Станіслаў Гладчанка застаўся без медаля алімпійскіх спаборніцтваў у лыжнай акрабатыцы.
У фінальнай спробе беларус пайшоў ва-банк, вырашыўшы выканаць самы складаны скачок сярод усіх суіскальнікаў узнагарод з каэфіцыентам 4,900. Першую фазу свайго палёту Станіслаў выканаў выдатна, а вось прызямленне пасля масы піруэтаў не ўдалося, і ў выніку адзнака апынулася невысокай - 92,61 бала. Гэта дазволіла Станіславу заняць толькі 6-е месца.
Алімпійскім чэмпіёнам стаў украінскі спартсмен Аляксандр Абраменка (128,51 бала), срэбра заваяваў кітайскі фрыстайліст Цзя Цзунян (128,05), бронза ў расіяніна Іллі Бурава (122,17).
Такім чынам, на Гульнях у Пхёнчхане у беларускіх фрыстайлістаў адна, але затое вышэйшая ўзнагарода, якую заваявала Ганна Гуськова.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
