Вы тут

Шырокая сетка паштовых аб'ектаў па краіне будзе захоўвацца


Пра перспектыўныя кірункі работы, вясковыя аддзяленні сувязі і развіццё інтэрнэт-гандлю генеральны дырэктар Белпошты Уладзімір МАТУСЕВІЧ расказаў на сустрэчы з журналістамі.


За мінулы год прадпрыемства добра спрацавала па ўсіх эканамічных паказчыках. Але гэта не нагода расслабляцца: канкурэнцыя высокая.

— Мы не адзіны паштовы аператар у Беларусі, — заўважае Уладзімір Матусевіч. — А ў сферы распаўсюджвання прэсы працуе яшчэ 13 арганізацый. Але ў нашага прадпрыемства ёсць канкурэнтная перавага — шырокая сетка па ўсёй краіне. І мы плануем захоўваць яе, гэта важна. Прыватнікам не выгадна ісці ў рэгіёны, а мы бачым патэнцыял для развіцця паслуг у сельскай мясцовасці. Прырост у вясковым рытэйле ў нас штогод складае 10—15 працэнтаў.

Арганізоўваць гандаль у сельскіх аддзяленнях сувязі — гэта, дарэчы, міжнародная практыка. Так, у Швейцарыі пошта на вёсцы выглядае як невялікая крама.

Яшчэ адна міжнародная тэндэнцыя — супрацоўніцтва пошты і банка. У Расіі, напрыклад, гэтыя прадпрыемствы ў 2016 годзе аб'ядналіся ў адну структуру. У Беларусі супрацоўніцтва таксама наладжана, заключаны дагаворы на аказанне фінансавых, плацежных і банкаўскіх паслуг. У населеных пунктах, дзе няма банка, у аддзяленнях сувязі можна афармляць уклады, здымаць наяўныя з пластыкавай карткі, афармляць крэдыты.

Белпошта з'яўляецца таксама інфармацыйным пасярэднікам у дзяржаўных паслугах. У аддзяленнях можна атрымаць звесткі па зямельных участках, па справах аб банкруцтве, аб праве на капітальнае будаўніцтва.

У планах Белпошты на гэты год — выйсці з інтэрнэт-крамай прадпрыемства shop.belpost.by на новыя замежныя рынкі. Ужо цяпер тавары могуць дастаўляцца ў Расію, Украіну, Казахстан, Арменію, Кыргызстан і Германію.

Днямі былі падведзены таксама вынікі творчага конкурсу «Найлепшы матэрыял пра пошту» сярод друкаваных і электронных СМІ. У ім прынялі ўдзел каля ста журналістаў з усёй рэспублікі. Сярод іншых была адзначана і спецыяльны карэспандэнт «Звязды» Наталля Лубнеўская, якая заняла трэцяе месца ў групе «Друкаваныя СМІ: рэспубліканскія, абласныя і гарадскія выданні».

Загаловак у газеце: У развіцця паслуг на вёсцы ёсць патэнцыял

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.