Вы тут

Дэпутаты — з увагай да бізнесу


У сакавіку-красавіку гэтага года Міжнародная фінансавая карпарацыя (МФК), што ўваходзіць у Групу Сусветнага банка, плануе пачаць рэалізацыю новай праграмы кансультацыйнай дапамогі нашай краіне. Пра гэта паведаміла кіраўнік прадстаўніцтва карпарацыі ў Беларусі Вольга Шчарбіна.


«Сёння мы разглядаем падрыхтоўку новай праграмы кансультацыйнай дапамогі Беларусі. Яна будзе нацэлена на ўдасканаленне дзелавога асяроддзя, інвестыцыйнага клімату, і мы разглядаем некалькі кампанентаў, якія маглі б увайсці ў такую праграму. Мяркуецца, што яна будзе разлічана на чатыры гады», — адзначыла кіраўнік прадстаўніцтва. Па яе словах, больш актыўна рэалізоўваць праграму пачнуць ужо ў сакавіку-красавіку 2018-га.

Адзін з кампанентаў новай праграмы — гэта ўдасканаленне ўмоў вядзення бізнесу на тэрыторыі Беларусі з пункта гледжання зніжэння адміністрацыйных бар'ераў. Другі — гэта развіццё канкурэнцыі і садзейнічанне антыманапалістычнай дзейнасці, каб у кампаній былі роўныя магчымасці весці свой бізнес у Беларусі незалежна ад формы ўласнасці.

Вольга Шчарбіна звярнула ўвагу, што сустрэча з беларускімі дэпутатамі з'яўляецца вельмі важнай. «Мы бачым, наколькі павысілася актыўнасць дэпутацкага корпуса пры падрыхтоўцы новых заканадаўчых актаў, і хацелі б больш цесна з імі супрацоўнічаць», — адзначыла яна.

Па словах старшыні Пастаяннай камісіі Палаты прадстаўнікоў па эканамічнай палітыцы Уладзіслава ШЧЭПАВА, дэпутаты хочуць абмеркаваць з прадстаўнікамі МФК тэмы, звязаныя з нарматворчым працэсам, а таксама паляпшэннем інвестыцыйнага клімату. Тым больш што плануецца правядзенне парламенцкіх слуханняў акурат па другім пункце. «І мы з задавальненнем запросім прадстаўніцтва МФК для іх удзелу», — падкрэсліў парламентарый.

Вераніка ПУСТАВІТ

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.