Вы тут

У краіне з'явіўся першы Цэнтр іпатэчнага крэдытавання


У ім можна здзейсніць усе працэдуры для набыцця жылля — ад атрымання крэдыту да рэгістрацыі нерухомасці. БПС-Ашчадбанк адкрыў у сталіцы буйны Цэнтр іпатэчнага крэдытавання — першае ў краіне аддзяленне, у якім на працягу аднаго дня можна атрымаць жыллёвы крэдыт, ажыццявіць здзелку і зарэгістраваць аб'ект нерухомасці ў Мінску і Мінскім раёне. У цырымоніі адкрыцця прынялі ўдзел намеснік прэм'ер-міністра Анатоль Калінін, кіраўнікі дзяржорганаў і топ-менеджмент банка.


«Працуем ва ўрадзе над стварэннем іпатэчнай формы ўзаемаадносін крэдытавання, плануем сёлета ўвесці форму іпатэчнага крэдытавання. Трэба вырашыць шэраг пытанняў у кампетэнцыі дзяржаўных органаў, для таго каб чалавеку было зручна і ён быў найперш абаронены — каб была прадастаўлена гарантыя банкаў і дзяржавы», — сказаў Анатоль Калінін.

Іпатэчны цэнтр адрознівае тое, што ў ім можна здзейсніць усе працэдуры для куплі жылля — ад атрымання крэдыту да рэгістрацыі нерухомасці. На рашэнне жыллёвага пытання пры наяўнасці дакументаў сыдзе ўсяго адзін дзень, тады як у звычайным аддзяленні толькі афармленне буйнога крэдыту займае некалькі сутак. На месцы можна заключыць дагавор аб іпатэцы і вырашыць іншыя пытанні, неабходныя для здзяйснення і рэгістрацыі здзелкі.

Цэнтр працуе ў рэжыме «адно акно»: у адным месцы дадуць пазыковыя сродкі, падрыхтуюць дакументы і аформяць здзелку. Для апошняй задачы арганізавана працоўнае месца дзяржаўнага рэгістратара Мінскага гарадскога агенцтва па дзяржаўнай рэгістрацыі і зямельным кадастры. У якасці прыярытэтнага кірунку — выдача насельніцтву крэдытаў з дзяржпадтрымкай па адрасным субсідаванні ў жыллёвым будаўніцтве, што прадугледжана Указам № 240.

З адкрыццём цэнтра ў банку плануюць павялічыць хуткасць разгляду крэдытных заявак. Дзякуючы аптымізацыі ўнутраных працэсаў, рашэнне аб выдачы крэдыту будзе прымацца на працягу аднаго дня. Услед за хуткасцю вырасце і колькасць выдаваемых пазык. У планах банка на 2018 год — давесці аб'ём рознічнай крэдытнай запазычанасці да 620 млн рублёў. Фізічным асобам на фінансаванне нерухомасці плануецца прадаставіць 130 млн рублёў, у тым ліку 95 млн — у выглядзе крэдытаў з дзяржпадтрымкай.

Сяргей КУРКАЧ

Загаловак у газеце: Іпатэка — гэта рэальна

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».