Вы тут

Затрыманы мужчына, які падазраецца ў здзяйсненні кватэрных крадзяжоў


У сталіцы праваахоўнікі затрымалі 40-гадовага непрацуючага ўраджэнца Мядзела, які падазраецца ў здзяйсненні серыі кватэрных крадзяжоў.


Было ўстаноўлена, што зламыснік у дзённы час сутак хадзіў па паверхах жылых дамоў і шукаў незачыненыя тамбуры і кватэры. Калі ён знаходзіў такія, то вяртаўся ў начны час сутак, асцярожна заходзіў у незачыненыя кватэры і выкрадаў рэчы, якія захоўваліся ў пярэдніх пакоях, пасля чаго сыходзіў. Прапажу сваёй маёмасці грамадзяне, як правіла, выяўлялі на наступную раніцу. Каб застацца незаўважаным, мужчына стараўся выбіраць дамы, не абсталяваныя сістэмай відэаназірання або па суседстве з якімі не размешчаны аб'екты, што знаходзяцца ў поле агляду відэакамер.

Толькі ў Фрунзенскім раёне сталіцы, паводле інфармацыі райупраўлення міліцыі, зламыснік падазраецца ў здзяйсненні чатырох падобных крадзяжоў з кватэр дамоў па вуліцах Прытыцкага, Сердзіча і Жудро. Зламысніку ўдалося завалодаць кашалькамі грамадзян, у якіх знаходзіліся грашовыя сродкі на агульную суму больш за чатыры тысячы рублёў, а таксама ноўтбукам. Акрамя гэтага, у праваахоўнікаў ёсць падставы меркаваць, што мужчына можа быць датычны да здзяйснення шэрагу аналагічных злачынстваў на тэрыторыі Мінска, Мінскай вобласці, а таксама Расійскай Федэрацыі. Вядома таксама, што раней ён неаднаразова прыцягваўся да крымінальнай адказнасці за здзяйсненне аналагічных злачынстваў.

Сяргей РАСОЛЬКА

Загаловак у газеце: А ўначы ён вяртаўся...

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.