Выстава-кірмаш "Паляванне і рыбалоўства. Вясна 2018." пройдзе з 28 лютага па 3 сакавіка ў Мінскім раёне, паведамілі ў Міністэрства лясной гаспадаркі Беларусі.
Адным з арганізатараў традыцыйна выступіць Міністэрства лясной гаспадаркі. Свае прапановы па правядзенні паляўнічых і экалагічных тураў на форуме прадставяць УП "Белдзяржпаляванне" і Рэспубліканскі ландшафтны заказнік "Налібоцкі".
На выставе-кірмашы адбудуцца тэматычныя семінары. Спецыялісты абмяркуюць арганізацыю і правядзенне палявання на ваўка, лася і аленя высакароднага з дапамогай падваблівання. Будуць арганізаваны адкрыты конкурс вабільшчыкаў аленя высакароднага, спаборніцтвы па стральбе з лука па аб'ёмных постацях паляўнічых жывёл.
Госці форуму змогуць ацаніць паляўнічую кухню, наведаць выставу экзатычных паляўнічых трафеяў, набыць пуцёўку на вясновы сезон палявання на вадаплаўную дзічыну і слонку. Будуць арганізаваны конкурсы, прэзентацыі, продаж аксесуараў, адзення і амуніцыі для паляўнічых.
Выстава-кірмаш пройдзе ў гандлёва-лагістычным цэнтры "Глобус Парк".
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
