У Віцебску 23 лютага пачынаецца продаж квіткоў на "Славянскі базар". У жыхароў горада ёсць шанц разабраць самыя "смачныя" квіточкі - першыя тры дні іх можна купіць выключна ў канцэртных касах горада і толькі потым у інтэрнэце. На першым этапе прадаюць білеты на Баскава, Алеграву, Ваенгу, Кустурыцу з Брэгавічам, "Залаты хіт", гурт "Мумій Троль", адкрыццё і закрыццё фестывалю, конкурсныя канцэрты і праект братоў Запашных "UFO. Цырк з іншай планеты". Другі этап продажаў пачнецца праз месяц, 23 сакавіка.
Цэны на квіткі засталіся практычна такімі ж, як і летась, запэўніў дырэктар дырэкцыі фестывалю Аляксандр Сідарэнка. На канцэрт адкрыцця фестывалю квіткі будуць каштаваць каля 200 рублёў, на сольных канцэртах зорак можна будзе пабываць за 30 - 70 рублёў.
З сюрпрызаў сёлетняга фестывалю: у Віцебск прыедзе Цімаці. Рэпер, які ўваходзіць у спіс давераных асоб Уладзіміра Пуціна на прэзідэнцкіх выбарах, будзе "зажигать" на Міжнародным фестывалі мастацтваў у ноч з 15 на 16 ліпеня. Канцэрт пачнецца а палове на другую.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
