Вы тут

Актуальныя трэнды карпаратыўных камунікацый абмяркуюць у БДУ


Двухдзённая міжнародная навукова-практычная канферэнцыя "Карпаратыўныя стратэгічныя камунікацыі: новыя трэнды ў прафесійнай дзейнасці” стартуе 22 лютага ў Інстытуце журналістыкі БДУ.


Форум накіраваны на абмен досведам у галіне карпаратыўных камунікацый, а таксама аптымізацыю працэсу падрыхтоўкі спецыялістаў.

Удзельнікамі канферэнцыі стануць больш за 50 выкладчыкаў, навукоўцаў і практыкаў з Беларусі, Расіі, Украіны. Плануецца абмеркаваць тэмы, якія тычацца сувязяў з грамадскасцю, рэкламы і журналістыкі, іх сацыяльнай місі. У цэнтры ўвагі будуць таксама роля вышэйшай адукацыі ў фарміраванні прафесійнай этыкі спецыяліста, метадычныя асаблівасці выкладання рэкламнай і PR-камунікацыі, практыкаарыентаванасць навучання і іншыя тэмы.

У першы дзень пройдзе пленарнае пасяджэнне, дзе разгледзяць актуальныя трэнды і перспектывы развіцця карпаратыўных камунікацый. Таксама ў гэты дзень адбудзецца круглы стол “Адукацыя ў сферы карпаратыўных камунікацый: традыцыі супраць інавацыі”.

У другі дзень, 23 лютага, на базе Мемарыяльнага музея-майстэрні З.І. Азгура  будзе арганізавана дыскусійная пляцоўка “Камунікатыўная прастора горада” і адбудзецца  прэзентацыя крэатыўных праектаў.

Надзея НІКАЛАЕВА 

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.