22 Верасень, субота

Вы тут

Госці "Славянскага базару ў Віцебску" убачаць шоу братоў Запашных


Госці XXVII Міжнароднага фестывалю мастацтваў "Славянскі базар у Віцебску" змогуць убачыць шоу братоў Запашных "UFO. Цырк з іншай планеты". Аб гэтым паведаміў дырэктар Вялікага Маскоўскага цырка народны артыст Расіі Эдгард Запашны.


Фота: yamoskva.com

"Праграма "UFO. Цырк з іншай планеты" была паказана ў Мінску ў 2014 годзе і ўстанавіла другі рэкорд па наведвальнасці "Мінск-Арэны" пасля чэмпіянату свету па хакеі. Яе паглядзелі больш за 70 тыс. чалавек. Таму я рады, што жыхары і госці Віцебска таксама змогуць у дні фестывалю паглядзець гэтае шоу", - распавёў прадстаўнік вядомай цыркавой дынастыі.

Пляцоўкай для "Цырка з іншай планеты" стане Лядовы палац, усяго запланавана даць 25 прадстаўленняў, паглядзець шоу змогуць больш за 40 тыс. гледачоў.

Акрамя таго, плануецца, што ў Віцебск будзе прывезены самы вялікі флакон духоў з водарам UFO, які быў створаны адмыслова для шоу і прэзентаваны ў Мінску падчас выступаў Цырка братоў Запашных у 2014 годзе. Гэта ўнікальная распрацоўка аб'ёмам 130 л (раней самы вялікі флакон не перавышаў 20 л) і вышынёй больш за 50 см. Флакон унікальны тым, што ён напоўнены незвычайнымі духамі UFO, у выбары водару і працы над ім асабіста прымаў удзел Эдгард Запашны.

Самы вялікі флакон з водарам UFO унесены ў Кнігу рэкордаў Гінеса, а ўбачыць яго можна ў Вялікім Маскоўскім цырку.

БЕЛТА

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.