Маладзёжны тэлепраект «ПІН_КОД», які выходзіць на канале «Беларусь 2» штотыдзень з аўторка па пятніцу, днямі адзначыў асаблівую круглую дату — 500-ы выпуск.
Наогул у эфіры праграма з'явілася ў жніўні 2015-га і хутка стала адной з візітных картак тэлеканала. Яе адметнасць — інтэрактыў, пастаянная сувязь з гледачамі: кожны ахвотны ў прамым эфіры можа задаць пытанне эксперту, падзяліцца меркаваннем або прапанаваць тэму наступнага выпуску. Паводле слоў кіраўніка праекта Ягора Шолькіна, «ПІН_КОД» часта выступае як своеасаблівы «тэлефон даверу»: «Пасля звароту гледача з пытаннем або праблемай вядучыя ў студыі мадэлююць сітуацыю і разам са спецыялістамі спрабуюць знайсці аптымальныя шляхі вырашэння».
Дарэчы, звязацца з аўтарамі праграмы можна праз афіцыйную групу ў сацыяльнай сетцы «УКантакце». На сёння ў ёй больш як 19 тысяч падпісчыкаў, а падчас кожнага эфіру ў тэматычны чат прыходзіць па 50—200 паведамленняў, прычым не толькі ад школьнікаў, але і ад сталых людзей.
Вікторыя ЦЕЛЯШУК
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
