Вы тут

Што патрэбна для выкарыстання другаснай сыравіны?


Да 2020 года ў краіне плануецца выкарыстоўваць не менш за 25 % камунальных адходаў, а ў 2035-м — ужо палову. На думку міністра жыллёва-камунальнай гаспадаркі беларусі Аляксандра ЦЕРАХАВА, каб дасягнуць такіх лічбаў, патрэбны новыя для краіны тэхналогіі і значныя інвестыцыі. У прыватнасці, увядзенне дэпазітна-залогавай сістэмы па зборы аднаразовай упакоўкі, стварэнне вытворчасці РДФ-паліва з адходаў і ўкараненне тэхналогіі кампаставання арганічнай часткі цвёрдых камунальных адходаў.


За апошнія гады ў краіне значна скарацілася колькасць месцаў пахавання цвёрдых камунальных адходаў і павялічылася іх выкарыстанне. У параўнанні з 2010 годам з іх здабыта ў 1,9 раза больш другасных матэрыяльных рэсурсаў (ДМР), аб'ём якіх перавысіў 650 тысяч тон. А ўзровень выкарыстання камунальных адходаў дайшоў да 17 %. Гэты паказчык перавышае аналагічныя ў краінах СНД і нават у шэрагу краін Еўрапейскага саюза, абазначыў міністр:

— Летась патрэбы беларускіх перапрацоўшчыкаў другаснай сыравіны ў асноўным былі забяспечаны. Дасягнута станоўчае сальда ў знешнім гандлі другаснымі матэрыяльнымі рэсурсамі ў памеры амаль 5 млн долараў. Хоць яшчэ ў 2011 годзе яно было адмоўным — мінус 18 долараў.

У той жа час, нягледзячы на рост працэнта збору другасных матэрыялаў (на 9 % у параўнанні з 2016-м), заданне дзяржпраграмы па выкарыстанні сыравіны для перапрацоўкі не выканана. Камунальнікі планавалі крыху большыя дасягненні ў гэтай галіне, чым атрымалі па факце, заўважыў міністр і растлумачыў чаму.

— Адна з прычын невыканання праграмы ў абласцях адразу па некалькіх паказчыках — недастатковы кантроль і спагнанне за выкананне ўстаноўленага задання з боку дзяржзаказчыкаў: аблвыканкамаў і Мінскага гарвыканкама. Апошнія, дарэчы, на недастатковым узроўні арганізавалі прыцягненне інвестыцый у сферу абарачэння з цвёрдымі камунальнымі адходамі.

На фінансаванне аператараў ДМР было прадугледжана 29 млн рублёў, і кожная вобласць магла прыцягнуць летась да 4 млн дадатковых інвестыцый. Фактычна гэта зрабіла толькі сталіца. А ў Магілёўскай, Гомельскай, Гродзенскай, Віцебскай, Мінскай абласцях аб'ём інвестыцый не дасягнуў нават 1 мільёна. Усяго ж арганізацыі ЖКГ выкарысталі толькі каля 10 млн рублёў. У выніку незапатрабаванымі засталося больш як 17 млн рублёў.

— Гэта адбылося праз адсутнасць у дзяржаўных заказчыкаў прапрацаваных ідэй і праектаў і нізкую якасць накіраваных заявак на фінансаванне, — упэўнены міністр. — А праекты для развіцця сістэмы збору і перапрацоўкі адходаў ёсць. Неабходныя толькі ініцыятыва і жаданне ўвасабляць іх у жыццё.

Ірына СІДАРОК

Загаловак у газеце: Другасная, але — сыравіна

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.