Вы тут

Ушачы — малая радзіма Рыгора Барадуліна


Гэтай фотазамалёўкай “Звязда” пачынае серыю, прысвечаную Году малой радзімы. 


Для Народнага паэта Беларусі Рыгора Барадуліна  — гэта Ушачы. Кожнае лета паэт тут адпачываў, хадзіў за тры кіламетры на возера Вечалле, складаў фотаальбом “Вяртанне”, збіраў жывы вушацкі фальклор для кнігі “Здубавецце”. Рыгор Іванавіч гасцяваў у бацькоўскім дамку —   на вуліцы Школьнай (а гэта у самым цэнтры гарпасёлка). Дагэтуль у гарадку весела ўспамінаюць, як сталічны паэт басанож хадзіў па вушацкіх вуліцах – за хлебам, на кірмаш, у кіёск – за газетамі.

Свой маленькі горад Барадулін вельмі любіў і называў яго так, як называла маці Акуліна Андрэеўна —  Вушача. І таму раку, якая перасякае горад, дзядзька Рыгор таксама  называў Вушачанка.

У 2002 годзе мне давялося наведаць Народнага паэта на радзіме, здымаць яго ў бацькоўскім доме, за пісьменіцкім сталом. На жаль, ужо чатыры гады няма сярод нас гэтага дасціпнага і вясёлага паэта. Рыгора Іванавіча пахавалі на ўшацкіх могілках, побач з магілай маці. Я ведаю, што 24 лютага, у Дзень нараджэння паэта, каля помніка збяруцца прыхільнікі таленту класіка.

А яшчэ ва Ушацкім раёне нарадзіліся два Народныя пісьменнікі —  Пятрусь Броўка і Васіль Быкаў, паэтка Еўдакія Лось. Ушачы — таксама малая радзіма і гэтых знакавых для краіны асоб.

Анатоль КЛЯШЧУК, фота аўтара

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».