Урачыстае ўскладанне кветак да манумента Перамогі і Вечнага агню адбылося ў Мінску. Мерапрыемства прайшло ў гонар Дня абаронцаў Айчыны і 100-годдзя Узброеных Сіл Беларусі. На плошчы Перамогі прадстаўнікі міністэрстваў, арганізацый і замежныя госці прынялі ўдзел ва ўрачыстай цырымоніі. Шэсце суправаджалі рота ганаровай варты і ваенны аркестр.
«Дзень абаронцаў Айчыны і 100-годдзе Узброеных Сіл — паказчык таго, што ў Беларусі на высокім узроўні шануюць і не забываюць подзвіг ветэранаў. Мы хочам, каб у нас былі мір і спакой, каб наша шчасце было забяспечана абаронай нашай Айчыны. Мне хацелася б павіншаваць усіх ветэранаў, жыхароў сталіцы і ўсёй краіны з гэтым святам. І хай наша моладзь заўсёды будзе гатовая да абароны Айчыны», — сказаў журналістам старшыня Мінскай гарадской арганізацыі Беларускага грамадскага аб'яднання ветэранаў генерал-маёр у адстаўцы Анатоль Адоньеў.
У мерапрыемстве прынялі ўдзел прадстаўнікі Міністэрства абароны на чале з міністрам Андрэем Раўковым, першы намеснік кіраўніка Адміністрацыі Прэзідэнта Максім Рыжанкоў, намеснік старшыні Савета Рэспублікі Нацыянальнага сходу Мар'яна Шчоткіна, прадстаўнікі грамадскіх арганізацый, ветэраны.
Ілья КРЫЖЭВІЧ
Фота Сяргея НІКАНОВІЧА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.