Вы тут

Органы для трансплантацыі будуць вырошчваць у авечках


Безумоўна, аднымі з самых сур'ёзных захворванняў з'яўляюцца тыя, якія наносяць настолькі моцную шкоду органам чалавека, што апошнія робяцца няздольнымі выконваць сваю функцыю. Тады даводзіцца звяртацца да транспланталогіі. Аднак не кожны перасаджаны орган прыжывецца з-за таго, што ўласная імунная сістэма чалавека пачынае атакаваць чужародны орган.


Існуе маса методык, якія прыглушаюць гэты працэс, але група навукоўцаў з Каліфарнійскага ўніверсітэта ў Дэвісе прапануе пайсці іншым шляхам: вырошчваць цэлыя органы ў донарах, а дакладней — у авечках. Пра новую распрацоўку піша выданне Guardіan, і, як сцвярджаюць аўтары даследавання, вырошчванне такім спосабам чалавечых органаў у жывёлах можа вырашыць праблему несумяшчальнасці. На працягу сваёй дзейнасці амерыканскія навукоўцы выкарыстоўваюць чалавечыя ствалавыя клеткі, якія ўводзяцца ў эмбрыёны авечак у месцы закладкі пэўных тканак. Навукоўцы спадзяюцца, што такім чынам імплантаваныя клеткі змогуць развіцца ў здаровы орган, прыдатны для трансплантацыі. Як заявіў адзін з аўтараў працы доктар Пабла Рос, «на сённяшні дзень нават ідэальна прыдатныя органы служаць нядоўга, таму што імунная сістэма пастаянна нападае на іх. Выключэнне складае толькі вельмі рэдкі выпадак перасадкі ад ідэнтычных блізнят. Эмбрыёны авечак абраныя намі невыпадкова, і іх выкарыстанне мае масу пераваг. Па-першае, органы авечак лёгка прыжываюцца, а значыць нам для эксперымента патрабуецца меншая колькасць эмбрыёнаў. Але самае галоўнае заключаецца ў тым, што ў авечак і людзей падобныя па будове лёгкія і сэрца. А гэта адны з самых складаных органаў для перасадкі».

Зараз каманда навукоўцаў будзе назіраць за эмбрыёнамі на працягу 28 дзён. Гэтага часу будзе дастаткова для таго, каб прасачыць за развіццём органаў і ўбачыць першыя вынікі па фарміраванні гібрыдных тканін. У залежнасці ад атрыманых вынікаў каманда адкарэктуе сваю далейшую работу па вырошчванні новых органаў. Многія навукоўцы лічаць, што падобныя пошукі з'яўляюцца важным крокам на шляху развіцця транспланталогіі.

Іван Купарвас

Выбар рэдакцыі

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

— Хлопцы, не біце, я — ва-а-аш!..

Грамадства

Як дэпутаты вырашаюць праблемы жыхароў Брэсцкай вобласці

Як дэпутаты вырашаюць праблемы жыхароў Брэсцкай вобласці

У мясцовых Саветах Брэсцкай вобласці ажыццяўляюць дэпутацкую дзейнасць 2962 дэпутаты. 

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.