Факты неэфектыўнай мадэрнізацыі вытворчасці ўстаноўлены на ААТ «Шклозавод «Нёман», што ў горадзе Бярозаўка. За дзесяць гадоў завод так і не запрацаваў з прыбыткам, хоць увесь гэты час у вытворчасць укладваліся значныя сродкі. Але большая частка абсталявання альбо прастойвае, альбо наогул не запушчана ў эксплуатацыю, канстатуюць у КДК Гродзенскай вобласці.
Па 4-5 гадоў не працуюць печы па вытворчасці крышталю і бясколернага шкла. Не задзейнічаны, у прыватнасці, новыя лініі выдувальных вырабаў, гаршковая печ, тэхналагічнае абсталяванне па вытворчасці гофракардону і ўпаковачнай тары. Сродкі на мадэрнізацыю складаліся э інавацыйнага фонду Мінбудархітэктуры, бюджэтнай пазыкі і валютных крэдытаў. Адных толькі працэнтаў за печ для варкі крышталю за 5 гадоў «набегла» 3,7 млн рублёў. Большая частка пазыкі пагашана дзяржавай, адзначыў галоўны спецыяліст КДК Гродзенскай вобласці Генадзь Тамільчык.
Не даў эфекту імпартазамяшчальны праект па вытворчасці шклаваты. Хоць у арганізацыю гэтага праекта ўкладзена 65 млн еўра, частка абсталявання коштам каля 900 тыс. еўра па-ранейшаму ляжыць на складзе. У выніку максімальная загрузка ліній па вытворчасці шклаваты за апошнія паўтара года складае 42 %.
Разам з тым ёсць праблемы з рэалізацыяй гатовай прадукцыі. Зараз яе запасы ў 9 разоў перавышаюць сярэднямесячны аб'ём вытворчасці, што робіць работу завода стратнай: крэдытная нагрузка не зніжаецца, а даходаў ад рэалізацыі недастаткова, каб пагасіць пазыку па крэдыце. Па словах Генадзя Тамільчыка, такая сітуацыя падобна снежнаму камяку, які ўскладняе цяжкі стан шклозавода.
Маргарыта УШКЕВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.