Вы тут

Алімпійскі сцяг перададзены Пекіну падчас цырымоніі закрыцця Гульняў


Алімпійскі сцяг перададзены Пекіну падчас цырымоніі закрыцця зімовых Гульняў у Пхёнчхане.


Сталіца Кітая прыме наступныя зімовыя Алімпійскія гульні. У Пекіне ўжо праходзілі летнія галоўныя старты чатырохгоддзя, якія атрымаліся аднымі з самых удалых у арганізацыі.

Пасля цырымоніі перадачы сцяга ідзе прэзентацыя наступнай сталіцы белай Алімпіяды пад назвай See you in Bejing in 2022.

На XXIII Алімпійскіх гульнях у Рэспубліцы Карэя беларускія атлеты заваявалі тры ўзнагароды. Лік медалям адкрыла бліскучае пераможнае выступленне фрыстайлісткі Ганны Гуськовай у лыжнай акрабатыцы, сярэбраную ўзнагароду ў мас-старце заваявала біятланістка Дар'я Домрачава.

Самым жа яркім момантам Гульняў для беларусаў стала перамога жаночага біятлоннага квартэта ў эстафеце. Дар'я Домрачава стала самай тытулаванай біятланісткай свету, а Надзея Скардзіна, Ірына Крыўко і Дынара Алімбекава ўпершыню падняліся на верхнюю прыступку алімпійскага п'едэстала.

Перамогу ж у медальным заліку атрымала Нарвегія.

Сцяг Беларусі на цырымоніі закрыцця XXIII зімовых Алімпійскіх гульняў у Пхёнчхане пранесла чатырохкратная алімпійская чэмпіёнка Дар'я Домрачава. Дар'я стала сцяганосцам алімпійскай каманды не ўпершыню. Раней яна выступіла ў гэтай ролі на закрыцці зімовых Гульняў у Сочы.

Беларускую дэлегацыю на цырымоніі закрыцця ўзначаліў шэф місіі Аляксандр Барауля, на алімпійскім стадыёне ў парадзе атлетаў прынялі ўдзел беларускія каманды па біятлону, гарналыжным спорце, лыжных гонках, канькабежным спорце, медыцынская і адміністрацыйная групы.

Каманды па фрыстайле і шорт-трэку ўжо вярнуліся ў Мінск.

БЕЛТА

Фота БЕЛТА

Выбар рэдакцыі

Грамадства

Як вучыліся партызанскія дзеці?

Як вучыліся партызанскія дзеці?

Дзеці народных мсціўцаў падчас Вялікай Айчыннай наведвалі навучальныя заняткі ў многіх сямейных партызанскіх лагерах. 

Культура

Звыш 100 прадметаў рамеснай спадчыны Амана прадстаўленыя ў Мінску

Звыш 100 прадметаў рамеснай спадчыны Амана прадстаўленыя ў Мінску

З 19 верасня да 19 студзеня 2020-га адна з выставачных залаў Нацыянальнага мастацкага музея Беларусі — нібыта філіял усходняй казкі.

Культура

Што паглядзець на экспазіцыі «Нематэрыяльная культурная спадчына Міншчыны»

Што паглядзець на экспазіцыі «Нематэрыяльная культурная спадчына Міншчыны»

Упершыню тут сабралі і паказалі дванаццаць элементаў нематэрыяльнай культурнай спадчыны з розных куткоў Мінскай вобласці.