Мадэрн — так вызначаюць мастацтвазнаўцы архітэктуру музея-сядзібы «Пружанскі палацык». А мясцовыя жыхары з гонарам дадаюць: у Беларусі гэта адзіная адноўленая сядзіба такога стылю.
Завітаем у гэты беласценны будынак, узведзены ў сярэдзіне ХІХ стагоддзя. Пройдзем па залах, дзе штогод бываюць каля васьмі тысяч турыстаў. Прывабліваюць сюды не толькі ўнікальныя экспанаты музейных фондаў, якія знаёмяць з побытам далёкіх часоў. Тут рэгулярна праводзяць літаратурна-музычныя вечарыны, навуковыя канферэнцыі па захаванні і папулярызацыі гісторыка-культурнай спадчыны.
Адзін з экспанатаў я сфатаграфаваў таму, што ён, адліты з бронзы ў далёкія гады, і сёння вобразна перадае імклівасць дзён. Спявае званочак пад дугой, імчаць коні, пераносячы седакоў скрозь прастору і час.
Другі фотаздымак — само ўвасабленне падарожжа праз стагоддзі. У музейную залу ўвайшлі мясцовыя школьнікі з дзіцячай студыі моды і дэкаратыўна-прыкладной творчасці «Папараць-кветка». Прыйшлі яны сюды, каб сфатаграфавацца ў адпаведным інтэр'еры. Мяркуючы па іх адзенні, захаваная спадчына натхняе нашчадкаў на творчы пошук.
Яўген ПЯСЕЦКІ
фота аўтара
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
