Вы тут

Чаўны ад Будулая


У вёсцы Лісна, якая знаходзіцца на беразе аднайменнага возера, жыве майстар-лодачнік Валерый Яфрэмаў. Калі запытаеш у вяскоўца, дзе такі жыве, наўрад ці хто адразу адкажа. А калі вымавіш яго мясцовае прозвішча Будулай, тут жа накіруюць да падворка майстра. Каб марна не шукаць дарогу, сябры Валерыя заказалі і ўмацавалі дарожны імянны знак.


Дваццаць пяць гадоў таму былы жыхар сталіцы, выпускнік біяфака БДУ, Яфрэмаў канчаткова атабарыўся на самым паўночным возеры Беларусі. Местачкоўцы спачатку палічылі яго дзіваком, а за неардынарную знешнасць — густую бараду і кучаравыя смаляністыя валасы — празвалі Будулаем. З цягам часу адносіны памяняліся, а мянушка засталася — цяпер ужо пажыццёва.

Будулай доўга працаваў прафесіянальным рыбаком на лясных азёрах, асвоіў майстэрства класці печы і грубкі, набыў вопыт цесляра і сталяра. Але лодачная справа, пра якую не адзін год марыў, пацягнула за сабою. У старым хляве, пераабсталяваным пад майстэрню, Валерый збірае невялікія лодкі, якія рыбакі называюць «тузікамі». Удасканаліўшы класічную канструкцыю судна, з пачаткам новай навігацыі ліснянскі лодачнік плануе спусціць першую партыю сваіх «будулаек».

На гэтых фота самабытны, працавіты і надзіва пазітыўны жыхар Лісна.

Анатоль КЛЯШЧУК

Верхнядзвінскі раён

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.