Вы тут

«Бачу Беларусь такой» — назваў сваю выстаўку Уладзіслаў Цыдзік


На афішы гэтай фотавыстаўкі няма эпіграфа. Кожны глядач можа сам знайсці словы, каб перадаць змест маляўнічай калекцыі. Мне, напрыклад, прыгадаліся радкі Максіма Багдановіча, калі ён пісаў пра Беларусь, якую бачыць здалёку.

— Паглядзі, як усход разгараецца,

Сколькі ў хмарках залётных агня!


«Бачу Беларусь такой» — назваў сваю выстаўку аўтар пейзажных фотаздымкаў Уладзіслаў Цыдзік. Проста і сцвярджальна. Абагульняючы і, у той жа час, дазваляючы гледачам углядацца ў самыя маленькія дэталі бясконцага наваколля. Запрашаючы разам паглядзець на палаючыя ўсходы сонца, палёт бусла на золку, старыя храмы...

Для фотааматараў імя аўтара малавядомае. Але многія з нас прыгадаюць: у недалёкім мінулым ён працаваў на адказнай дзяржаўнай службе, быў дэпутатам Палаты прадстаўнікоў Нацыянальнага сходу Рэспублікі Беларусь. Цяпер знаходзіцца на адпачынку. Але, як і заўжды, не ўяўляе свайго жыцця без карыснай для грамадства справы. Такая матывацыя і ў яго захаплення фотаздымкай роднай прыроды.

Мастацкі фотаальбом Уладзіслава Цыдзіка «Зачараваны Беларуссю», выдадзены Выдавецкім домам «Звязда», быў прэзентаваны ў час адкрыцця фотавыстаўкі, а сама калекцыя здымкаў стала прадметам абмеркавання сярод мастакоў, пісьменнікаў, прадстаўнікоў нацыянальных дыяспар, што пражываюць у Беларусі. Гэтаму спрыяла атмасфера памяшкання, дзе размясцілася экспазіцыя — мінскага касцёла Св. Сымона і Св. Алены.

На гэтай выстаўцы вы не ўбачыце фота з неверагоднымі ракурсамі, вас не ашаломіць здымак, які дэманструе магчымасці самай сучаснай оптыкі. Усё паказана вельмі дасціпна, быццам бы аўтар па-сяброўску запрашае прайсці побач з ім па росных паплавах, палюбавацца старым садам, убачыць у ранішнім тумане вазок на лясной дарозе... Аўтар нібыта кажа гледачу: заўважыў гэта я, але бачым і захапляемся мы з табой аднолькава...

Аднолькавасць светаўспрымання існуе там, дзе паміж людзьмі існуюць духоўнае адзінства, любоў да роднай зямлі.

Яўген ПЯСЕЦКІ, фота аўтара

Загаловак у газеце: Глядзець вачыма, бачыць сэрцам

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.