Вы тут

Які плён ад Дня жывёлавода?


Адноўлены аўтобусны маршрут і асвятленне вуліц.

У Магілёве прайшла калегія галоўнага ўпраўлення ідэалагічнай работы, культуры і па справах моладзі аблвыканкама. Удзел у яе рабоце прыняў міністр культуры Юрый Бондар.


— Магчыма, не ўсё ўдалося рэалізаваць, але рашэнне самых актуальных задач было забяспечана. У абсалютнай большасці калектываў захоўвалася стабільнасць, на вытворчасцях была забяспечана занятасць працуючых, выконваліся мэтавыя паказчыкі, — адзначыла начальнік галоўнага ўпраўлення ідэалагічнай работы, культуры і па справах моладзі Магілёўскага аблвыканкама Кацярына Музычэнка, падводзячы вынікі дзейнасці за мінулы год.

Яна звярнула ўвагу на тое, што трэба арганізаваць больш прадукцыйную работу на месцах, часцей сустракацца з насельніцтвам, выбіраць больш актуальныя тэмы для правядзення дзён інфармавання, знаходзіць новыя формы работы. Адзін з найбольш удалых прыкладаў — правядзенне Дзён жывёлавода ў сістэме АПК. Летась у рамках яго адбылося звыш 2,5 тысячы сустрэч інфармацыйных груп з працоўнымі калектывамі.

Паступіла 732 пытанні і прапановы, з іх 119 узятыя на кантроль. Дзякуючы гэтым сустрэчам адноўлены аўтобусны маршрут «Кіраўск—Клічаў», праведзены работы па асвятленні некалькіх вуліц у Клічаве і Клічаўскім раёне, наладжана выдача спецадзення работнікам МТК Глыбокае ЗАТ «АСБ — Агра Цяцерына» Круглянскага раёна.

Прыярытэтным кірункам у ідэалагічнай рабоце з'яўляецца захаванне памяці аб абаронцах Айчыны. Летась было адрамантавана і адрэстаўравана 988 пахаванняў і памятных знакаў, устаноўлена 13 новых помнікаў на суму звыш 250 тысяч рублёў.

Мінулы год быў багаты на культурныя падзеі, адбылося больш за 20 міжнародных, рэспубліканскіх, абласных і рэгіянальных фестываляў і конкурсаў. Шэраг культурных мерапрыемстваў прайшоў у рамках рэспубліканскай акцыі «Бабруйск — культурная сталіца Беларусі», 750-годдзя Магілёва і 630-годдзя Бабруйска. У рэспубліканскім конкурсе «Горад культуры» Бабруйск быў прызнаны найлепшым горадам абласнога падпарадкавання за мінулы год.

Падчас калегіі былі ўшанаваныя найлепшыя работнікі ў сферы культуры і ідэалагічнай работы. Падзякай Магілёўскага аблвыканкама за шматгадовую плённую працу ў сродках масавай інфармацыі і значны ўклад у рэалізацыю дзяржаўнай інфармацыйнай палітыкі на рэгіянальным узроўні была адзначана і ўласны карэспандэнт «Звязды» па Магілёўскай вобласці Нэлі Зігуля.

Кар. «Звязды»

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.