У нашай краіне на ўліку знаходзіцца каля васьмі тысяч чалавек, якія маюць наркатычную залежнасць. Але, як падкрэсліваюць спецыялісты, такога ўсплёску актыўнага выкарыстоўвання псіхаактыўных рэчываў, які назіраўся некалькі гадоў таму, калі пасля ўжывання маладыя людзі шпіталізаваліся з вострымі псіхозамі, страчвалі розум і заставаліся інвалідамі, апошнім часам не назіраецца.
Калі ў 2014 годзе з перадазіроўкай у медыцынскія ўстановы паступіў 1351 чалавек, у 2015 — 1068, у 2016-м — 759, то летась — 437. Паводле інфармацыі галоўнага нарколага Міністэрства аховы здароўя Івана Канаразава, за апошнія два гады смерці ад перадазіроўкі наркатычнымі сродкамі сярод непаўналетніх не было.
Паўплываў на такі вынік шэраг прынятых мер, у прыватнасці дэкрэт «Аб неадкладных мерах па супрацьдзеянні незаконнаму абароту наркотыкаў», прыняты ў 2014-м. Акрамя таго, актыўна праваахоўныя органы працуюць і ў інтэрнэце: толькі летась зачынена 13 сайтаў і 25 інтэрнэт-крамаў, якія гандлявалі наркотыкамі. За захоўванне і збыт наркатычных сродкаў пакаранне адбывае больш за чатыры тысячы чалавек, сярод іх 92 — непаўналетнія.
— Мы адна з нямногіх краін у свеце, якая цалкам забараніла вольнае хаджэнне наркотыкаў, — кажа намеснік начальніка галоўнага ўпраўлення па наркакантролі і супрацьдзеянні гандлю людзьмі крымінальнай міліцыі МУС Андрэй Саладоўнікаў. — Новыя псіхатропныя рэчывы, як толькі з'яўляюцца, хутка ўносяцца ў спіс забароненых. І нашым вопытам зацікавіліся калегі з іншых краін.
Алена КРАВЕЦ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
