Вы тут

Нікас Сафронаў прывёз у Мінск выставу «Вясна ўражанняў»


3 сакавіка ў Мастацкай галерэі Міхаіла Савіцкага адкрыецца новая вялікая персанальная выстава вядомага расійскага мастака Нікаса Сафронава пад назвай «Вясна ўражанняў». 


Выстава з падзагалоўкам «Нікас. Жывапіс. Аптымізм.» складаецца з больш чым 100 жывапісных і графічных работ мастака: партрэтаў дзяржаўных дзеячаў і зорак сусветнага шоў-бізнэсу, сімвалісцкіх і кубістычных кампазіцый, а таксама палотнаў у тэхніцы DreamVision, за якую мастак быў уключаны ў «Кнігу рэкордаў Гінеса». Гэта самая вялікая падборка карцін Сафронава. Яна ўжо пабывала ў Расіі, Украіне, Казахстане, Бахрэйне. Плануюцца паказы ў Францыі, Італіі, Германіі і іншых краінах. Выстава ў Мінску пройдзе пры падтрымцы Мінгарвыканкама.

У гонар адкрыцця 3 сакавіка а 15 гадзіне пройдзе творчая сустрэча з Нікасам Сафроновым, у рамках якой гледачы змогуць убачыць асабістыя матэрыялы мастака, задаць яму свае пытанні, атрымаць аўтограф і зрабіць сумеснае фота. Кошт квітка на творчую сустрэчу — 15 рублёў.

Нікас Сафронаў — вядомы сучасны мастак Расіі, уладальнік званняў Заслужаны мастак Расіі, акадэмік Расійскай акадэміі мастацтваў, прафесар. Беларуская публіка ведае і любіць яго творчасць — чатыры гады таму першую персанальную выставу Сафронава ў Мінску наведала больш за 20 тысяч гледачоў.

Фота Марыны БЕГУНКОВАЙ

Дадаць каментар

Выбар рэдакцыі

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.