Вы тут

«Я проста люблю сваю справу»


У юнацтве Іван Макавец і ўявіць сабе не мог, што ўсё сваё жыццё прысвеціць сельскай гаспадарцы. Праўда, адвучыўся ў профільным тэхнікуме, але служба ў арміі памяняла ўсе планы. Аднак адслужыўшы, ён быў адпраўлены па размеркаванні загадчыкам МТФ «Сухінічы», дзе на гэтай пасадзе і затрымаўся ўжо больш чым на 35 гадоў.


За­гад­чык фер­мы Іван Ма­ка­вец.

15 чэрвеня 1982 года. Свой першы працоўны дзень Іван Міхайлавіч памятае як цяпер. Тады, як ён сам прызнаецца, ферма мела смешныя па цяперашніх мерках паказчыкі — па 3,5 тысячы літраў малака з каровы ў год. Цяпер гэтыя лічбы выраслі больш чым у два разы. Так, за мінулы год надоі склалі ў сярэднім 7547 літраў на карову, а гэта каля 24—25 літраў у суткі.

— Малочная справа — напэўна, самая складаная ва ўсёй жывёлагадоўлі. Дробныя недахопы прыводзяць да сур'ёзных наступстваў. Каб з'явіўся стабільны вынік, трэба аддана працаваць гадамі, нават дзясяткамі гадоў, — адзначае Іван Міхайлавіч.

На іх ферме з гэтым усё ў парадку. Калектыў зладжаны: заатэхнік-селекцыянер на адным месцы ўжо больш за 27 гадоў, аператары машыннага даення — у сярэднім 17—18, найменшы стаж працы — шэсць гадоў. Восем гадоў таму маладым спецыялістам прыйшла на ферму ветэрынарны ўрач, якая да цяперашняга часу стала ўжо дасведчаным прафесіяналам. Прыцягвае работнікаў стабільная аплата працы і добры сацпакет, перадавікі заўсёды атрымліваюць матэрыяльнае ўзнагароджанне.

Малочнатаварная ферма «Сухінічы» адносіцца да сярэдняй па колькасці буйной рагатай жывёлы — тут утрымліваецца 880 галоў. Пры гэтым ёсць вытворчыя магутнасці для павелічэння статка, над гэтым зараз працуюць. Таксама ў хуткім часе ферму збіраюцца мадэрнізаваць.

Кіраўніцтва гаспадаркі адзначае, што Іван Макавец у сваёй прафесіі адзін з найлепшых. Ён узнагароджаны Ганаровай граматай Гродзенскага абласнога Савета дэпутатаў. Яго паважаюць работнікі, сам ён вельмі адказна ставіцца да сваіх абавязкаў, укладвае ў працу душу. І а 5-й раніцы, і аб 11-й вечара ў выпадку неабходнасці яго можна знайсці на месцы, бо пад кантролем загадчыка павінны праходзіць усе працэсы, пачынаючы ад кармлення жывёлы, заканчваючы прыёмкай малака. Сам Іван Макавец на пахвалы толькі адмахваецца і сціпла прыкмячае: «Я проста люблю сваю справу...»

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.