Вы тут

Як прайшла цырымонія прыняцця ў прававеды


Акадэмія МУС Рэспублікі Беларусь супрацоўнічае з 48 установамі адукацыі па ўсёй краіне. Адна з іх — сярэдняя школа № 96 г. Мінска. Ужо восем гадоў тут набіраюць старшыя профільныя класы прававой накіраванасці. А ў гэтым годзе ў школе вырашылі правесці эксперымент і пачаць прафарыентацыйную працу ўжо з 5 класа. Напярэдадні Дня міліцыі адбылася ўрачыстая цырымонія прыняцця хлопцаў і дзяўчат у прававеды.


Як расказала дырэктар ДУА «Сярэдняя школа № 96 г. Мінска» Ганна КАРПУК, падобная ініцыятыва грунтуецца на тым, што профільныя класы вельмі добра сябе зарэкамендавалі. І галоўная задача не толькі падрыхтаваць выпускнікоў да паступлення ў профільныя ВНУ, але і выхоўваць дзяцей у межах маральных традыцый, з ранняга ўзросту прывіваць ім паняцці гонару і годнасці. Падобныя імкненні цалкам падтрымліваюць і бацькі школьнікаў.

Пакуль дадатковыя заняткі праходзяць у фармаце факультатыву, праграма якога падзелена на некалькі этапаў і разлічана на тры класы: з 5-га па 7-ы. Па словах кіраўніка заняткаў, намесніка дырэктара па выхаваўчай рабоце Надзеі ГАНЧАРОВАЙ, зараз вучні знаёмяцца з паняццем права, разбіраюць, у чым заключаюцца правы ў калектыве, якія асаблівасці мужчынскіх і жаночых правоў, падрабязна спыняюцца на паняцці дружбы як маральнай асновы ўзаемаадносін. Нярэдка ў правядзенні заняткаў дапамагаюць ужо добра знаёмыя з тэмай вучні старшых профільных класаў.

З часу заключэння ў 2010 годзе чатырохбаковага дагавора аб супрацоўніцтве паміж упраўленнем адукацыі Фрунзенскага раёна, сярэдняй школай № 96, Фрунзенскім РУУС і Акадэміяй МУС усе яго ўдзельнікі цесна ўзаемадзейнічаюць адзін з адным. Так, вучні школы заўсёды прымаюць удзел у міжрэгіянальнай алімпіядзе па праве «Феміда», якая праходзіць у Акадэміі МУС — яна лічыцца адной з галоўных падзей года. У самой школе праводзяць тыдні прававых ведаў, адзначаюць тэматычныя святы, арганізоўваюць сустрэчы з прадстаўнікамі розных падраздзяленняў міліцыі, ветэранамі.

І гэта работа прыносіць свае станоўчыя вынікі. Як адзначыў начальнік інспекцыі па справах непаўналетніх Фрунзенскага РУУС г. Мінска падпалкоўнік міліцыі Сяргей КАРПОВІЧ, правапарушэнні сярод вучняў 96-й школы практычна адсутнічаюць. На думку падпалкоўніка міліцыі, ініцыятыву неабходна развіваць і падтрымліваць, бо самі падлеткі не толькі імкнуцца быць прыстойнымі грамадзянамі, але і падаюць добры прыклад сваім аднагодкам.

Падчас цырымоніі прыняцця ў прававеды школьнікі атрымалі свае першыя шэўроны. Прысутныя на свяце ветэраны міліцыі выказалі гатоўнасць падзяліцца неабходным вопытам і надзею, што многія з вучняў у будучыні папоўняць шэрагі супрацоўнікаў праваахоўных органаў. І абсалютна ўсе, хто казаў віншавальнае слова, сыходзіліся на думцы, што галоўнае, каб юныя прававеды выраслі годнымі людзьмі.

Дар'я КАСКО

Загаловак у газеце: «Галоўнае — вырасці годнымі людзьмі»

Выбар рэдакцыі

Грамадства

Рагачук: Дзеці ў пясочніцах на касцях гуляць не будуць

Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры ў творчую майстэрню?

Як ператварыць звычайны ўрок беларускай літаратуры ў творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.