Вы тут

Чаму Масты прызнаны цэнтрам жаночага баскетбола?


Уявіць Валерыя Ваўлева, які сядзіць склаўшы рукі, проста немагчыма. Ён прывык усё жыццё знаходзіцца ў пастаянным руху. Трэніроўкі, зборы, спаборніцтвы і галоўная ўмова — агеньчык у вачах дзяцей, якія, як і ён, шчыра любяць баскетбол.


Ва­ле­рый Ваў­леў са сва­і­мі па­да­печ­ны­мі.

Валерый Пятровіч нарадзіўся ў Мастах, і менавіта з гэтым горадам звязана яго трэнерская кар'ера. Пасля вучобы ў Акадэміі фізічнай культуры надоўга з родных мясцін ён з'язджаў толькі аднойчы — пяць гадоў адпрацаваў у Мінску пры нацыянальнай камандзе па баскетболе. А так ужо 46 гадоў ён трэніруе дзяўчат у дзяржаўнай установе «Мастоўская раённая спецыялізаваная дзіцяча-юнацкая школа алімпійскага рэзерву». Менавіта з прыезду ў Масты Валерыя Ваўлева тут пачалася новая эра жаночага баскетбола. За час працы ён падрыхтаваў мноства кандыдатаў у майстры спорту, майстроў спорту, удзельнікаў чэмпіянатаў СССР, Еўропы, свету і нават Алімпійскіх гульняў.

Валерыю Пятровічу прысвоена званне заслужаны трэнер Рэспублікі Беларусь, у яго найвышэйшая нацыянальная трэнерская катэгорыя. У наступным годзе знакамітаму настаўніку споўніцца 70 гадоў, аднак пакідаць любімую справу ён пакуль не збіраецца, тым больш што яго юныя выхаванкі паказваюць выдатныя вынікі. Пяць яго вучаніц залічаны ў нацыянальную юнацкую каманду па баскетболе, у гэтым годзе яны возьмуць удзел у чэмпіянаце Еўропы, а адна з іх будзе абараняць гонар Рэспублікі Беларусь на Кубку свету сярод жаночых камандаў U-17, які пройдзе летам у Мінску.

У заслужанага трэнера свая методыка падрыхтоўкі чэмпіёнаў. Ён набірае групы з вучаніц 1—2 класаў і вядзе іх да выпуску. Яго цяперашні набор ужо дарос да 9—10 класа. Дарэчы, у самога Валерыя Пятровіча двое сыноў, адзін з іх пайшоў па слядах бацькі — ён галоўны трэнер жаночай каманды баскетбольнага клуба «Цмокі». Сам жа Валерый Пятровіч з усмешкай тлумачыць выбар працы менавіта ў жаночым баскетболе тым, што добра разбіраецца ў жаночай псіхалогіі. І вынікі яго каманды паказваюць, што гэта сапраўды так. Імя Валерыя Ваўлева ўнесена ў кнігу славы Мастоўшчыны, а ў гэтым годзе ён ад раёна намінаваны на званне «Чалавек года Гродзеншчыны».

Загаловак у газеце: Трэнер з вялікай літары

Выбар рэдакцыі

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне. 

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».