Вы тут

Фінал конкурсу "Каралева Вясна БДУ—2018" пройдзе 5 сакавіка


За галоўны тытул будуць змагацца 12 дзяўчат, якія прадстаўляюць філалагічны, біялагічны, хімічны, юрыдычны факультэты і факультэт сацыякультурных камунікацый. Конкурс пройдзе ў фармаце стылізаванага народнага абраду "Гуканне вясны". Творчыя нумары, якія ўключаюць танцавальныя, песенныя, паэтычныя кампазіцыі, будуць адаптаваны ўдзельніцамі пад традыцыі і змест народнага вясенняга свята.


Таксама дзяўчаты выступяць у трох тэматычных дэфіле: прадэманструюць нацыянальны касцюм, дзелавы і вячэрнюю сукенку. Пра свае захапленні і цікавыя факты з жыцця канкурсанткі раскажуць у конкурсе "Відэавізітоўка".

Акрамя знешніх даных дзяўчат журы будзе ацэньваць сцэнічную культуру, уменне кантактаваць з аўдыторыяй, камунікабельнасць, веданне этыкету, пачуццё гумару, інтэлектуальныя і творчыя здольнасці, а таксама ўдзел студэнтак у маладзёжных праектах і праграмах. Старшынёй судзейскай камісіі выступіць прарэктар па выхаваўчай рабоце і сацыяльных пытаннях БДУ Іван Янушэвіч, а яе членамі стануць эстрадныя артысты Алёна Ланская, Гюнеш і Аlen Hit. Імя пераможцы абвесціць рэктар БДУ Андрэй Кароль.

Акрамя таго, з дапамогай папярэдняга галасавання ў групе конкурсу "УКантакце" будуць вызначаныя пераможцы ў намінацыях "Каралева глядацкіх сімпатый" і "Лепшая відэавізітоўка".

Пераможцы ўніверсітэцкага тура выступяць у Мінскім гарадскім этапе, удзельнікамі якога стануць студэнткі сталічных ВНУ. Ён пройдзе 9 красавіка ў Мінску.

Надзея НІКАЛАЕВА

Фота БЕЛТА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.