24 Верасень, панядзелак

Вы тут

Укараняем ружы з дапамогай натуральных угнаенняў


Калі ў вас у вазе стаіць букет руж, якія вы б хацелі бачыць на сваім участку, не спяшайцеся выкідваць кветкі адразу пасля таго, як яны пачалі вянуць. Паспрабуйце ўкараніць ружы.


З дапамогай вострага нажа зрэжце ў ружы верхнюю частку такім чынам, каб застаўся чаранок памерам прыкладна 25 см. Пакрыйце воскам яго верхні зрэз. Для таго каб абнавіць чаранок, выдаліце з яго ўсё лісце і крыху абрэжце ніжні зрэз.

Пасля гэтага чаранкі трэба апрацаваць адным з ніжэйапісаных спосабаў. Можна паспрабаваць усе тры. Такім чынам вы зможаце вызначыць, які з іх падыходзіць для вас больш.

Першы спосаб

Прыгатуйце дражджавы раствор (100 мг дрожджаў на 10 літраў вады). Змясціце ў яго чаранкі прыкладна на адну траціну на 24 гадзіны. Па заканчэнні гэтага часу прамыйце іх цёплай вадой і пастаўце ў ёмістасць з вадой такім чынам, каб яна даходзіла да паловы чаранка. Па меры ўкаранення рэгулярна падлівайце ваду, каб яе ўзровень заўсёды захоўваўся на адной вышыні.

Другі спосаб

У літры вады трэба растварыць чайную лыжку мёду. У мядовы раствор змясціце чаранкі на адну траціну і пакіньце іх там на 12 гадзін. Пасля гэтага дастаньце і пастаўце іх у ёмістасць з вадой, каб чаранкі былі ў ёй напалову.

Трэці спосаб

У ваду з чаранкамі дадайце 10 кропель соку алоэ (абавязкова свежага). Алоэ стымулюе з'яўленне карэньчыкаў і ў той жа час імунную сістэму чаранка. Вада павінна даходзіць да сярэдзіны чаранкоў. Рэгулярна падлівайце яе, каб узровень не зніжаўся. Праз 10 дзён можаце дадаць яшчэ 5-7 кропель соку алоэ.

Пасля таго як ружа пусціць досыць буйныя карані, выконваючы ўсе правілы пасадкі расліны, высадзіце чаранкі ў падрыхтаваную для гэтай мэты ёмістасць з кветкавым грунтам.

Вядучая рубрыкі Ірына ТАМКОВІЧ

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.