Вы тут

Каб планету ратаваць, трэба смецце раздзяляць!


Неўзабаве ва ўсіх беларускіх школах з'явіцца інтэрактыўны ўрок «Спецыяльны атрад маленькіх экаменаў». На падставе відэароліка, дзе ў гульнявой форме даюцца заданні і расказваецца пра неабходнасць асобнага збору смецця, настаўнікі змогуць правесці з вучнямі малодшых класаў пазнавальную інфармацыйную гадзіну.


У сталічнай сярэдняй школе № 215 такі ўрок правялі супрацоўнікі ДУ «Аператар другасных матэрыяльных рэсурсаў». Вядучы расказваў вучням 3-4 класаў цікавыя факты аб перапрацоўцы смецця і даваў заданні. Дзеці малявалі, гулялі, спявалі. А яшчэ... пасябравалі з Экаменам, які ўзяў з іх клятву, што цяпер яны будуць збіраць смецце толькі асобна і сачыць, каб тое ж рабілі іншыя.

— Падобны ўрок мы правялі ў школах Гродна і Гомеля. Зразумела, што трапіць у кожную з амаль трох тысяч устаноў адукацыі краіны мы не можам, таму на падставе праведзеных трох урокаў падрыхтавалі інтэрактыўны відэаўрок, — расказала Ніна КУЛЬБЕДА, галоўны спецыяліст па інфармацыйнай рабоце ДУ «Аператар другасных матэрыяльных рэсурсаў». — Яго мы ў сакавіку разам з усімі матэрыяламі да роліка разашлём па школах.

Каб стымуляваць школы праводзіць такія заняткі, аператар аб'яўляе конкурс «Героям спяваць лёгка». Трэба правесці ў сябе ўрок па відэароліку, зрабіць некалькі здымкаў і вывучыць песню маленькіх экаменаў. Пасля зняць пад яе кліп, дзе паказаць, навошта ратаваць планету ад смецця і збіраць адходы асобна, і даслаць на сайт аператара tаrgе+99bу, дзе падрабязна апісаны ўмовы конкурсу.

— Дзецям падабаецца навучанне ў такой простай гульнявой форме. Яны лепш засвойваюць матэрыял. Прыйшоўшы дадому, у добрым сэнсе «вынесуць мозг» бацькам, расказваючы, чаму так важна і патрэбна збіраць смецце асобна. Ды і самі пачнуць сартаваць адходы, — упэўнена Наталля ГРЫНЦЭВІЧ, дырэктар ДУ «Аператар другасных матэрыяльных рэсурсаў».

Спыняць працу з дзецьмі арганізацыя на гэтым не збіраецца. Для вучняў сярэдняга ўзросту і старшакласнікаў з часам таксама будуць арганізаваны пазнавальныя ўрокі больш сур'ёзнага кірунку. У планах нават стварэнне праграмнай гульні па асобным зборы адходаў. А ўжо цяпер цікаўныя могуць спампаваць з сайта аператара бясплатныя стыкеры ў месенджары «Тэлеграм». Гэта вясёлыя сюжэты з янотамі-сарціроўшчыкамі і трапнымі надпісамі.

Усе ўдзельнікі незвычайнага ўрока сталі юнымі экаменамі і атрымалі падарункі і маску гераічнага экамена, у якой многія так і пайшлі дадому, а можа, і ратаваць свет ад смецця, хто ведае...

Ірына СІДАРОК

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.