Вы тут

Свет вачыма жанчыны


Жанчына ўмее хутка пераключацца з адной справы на іншую, і пры гэтым амаль ніколі не засяроджваецца поўнасцю толькі на чымсьці адным, трымаючы пад кантролем адначасова некалькі момантаў. Жанчына-кіраўнік — гэта заўжды крыху матуля, якая апякае, дапамагае і няньчыцца з падначаленымі. Жанчына можа ахвяраваць сваёй кар'ерай дзеля мужа, каб дапамагчы яму ісці ўгару. Жанчына даказвае, на што яна здольная, уласным прыкладам — проста ідзе і робіць... Такія меркаванні пра ролю жанчыны-кіраўніка-журналіста гучалі падчас круглага стала «Свет вачыма жанчыны», дзе сабраліся выдатныя прадстаўнікі гэтай прафесіі.


— Жанчыны больш адказна падыходзяць да справы, больш уважлівыя да дробязяў, якія ўпускаюць мужчыны. Таму жанчыны-кіраўнікі часта большых поспехаў дасягаюць у журналісцкім рамястве. Амаль траціна кіраўнікоў рэгіянальных каналаў — жанчыны, а чатыры з пяці каналаў Белтэлерадыёкампаніі ўзначальваюць жанчыны. Пэўна, гэта нездарма, — выказаўся Павел ЛЁГКІ, намеснік міністра інфармацыі.

Прысутныя падкрэслілі, што ў сучасным свеце роля жанчыны як ахоўніцы ачага павінна заставацца, але ўжо не быць дамінантнай, як раней. Цяпер нельга адмовіць сабе ў жаданні быць паспяховымі і раскрываць патэнцыял, закладзены прыродай, чым жанчыны і займаюцца.

— Самы галоўны прарыў для нашых жанчын — магчымасць быць самазанятай. Адпаведны ўказ даў жанчынам магчымасць займацца сям'ёй і дзецьмі, у той жа час рэалізоўвацца для сябе і грамадства. Плаціць адзіны падатак і займацца дызайнам, цырульніцкай справай, быць візажыстам, — заўважыла Ганна СТАРАВОЙТАВА, дэпутат Палаты прадстаўнікоў Нацыянальнага сходу Беларусі. — Гэта дазваляе жанчыне стаць паспяховай і рэалізаваць сябе.

Мінскае аб'яднанне Беларускага саюза жанчын на шляху стварэння клуба, які дазволіць жанчынам, што хочуць пайсці па шляху прадпрымальніцтва і малога бізнесу, раскрыць алгарытм праходжання шляху па пачатку сваёй справы, дадала яна.

Ірына СІДАРОК

Выбар рэдакцыі

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.

Грамадства

Як «Звязда» парушальнікаў адпачынку з міліцыяй шукала

Як «Звязда» парушальнікаў адпачынку з міліцыяй шукала

Апошнімі цёплымі дзянькамі многія мінчане стараюцца скарыстацца напоўніцу і па магчымасці адпачыць на прыродзе, хай сабе і ў межах горада.

Культура

Спявак Аляксандр Гелах: Як толькі паступіў, пачаў шукаць работу

Спявак Аляксандр Гелах: Як толькі паступіў, пачаў шукаць работу

Малады тэнар, які прыйшоў у Нацыянальны акадэмічны Вялікі тэатр Беларусі ў 2015-м, звярнуў на сябе ўвагу аматараў оперы адразу.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Танцуй... Пакуль не замужам?