У Міжнародны жаночы дзень вядучыя тэлеканала АНТ падрыхтавалі сваім сувядучым-паненкам эфірны выхадны, а гледачам асаблівы падарунак — спецыяльны святочны выпуск праграмы «Наша раніца».
Як высветліла «Звязда», цэлы дзень весці ўсе навіны, а таксама спартыўны агляд, будуць выключна мужчыны — разумныя, дасціпныя і прыгожыя, якія абяцаюць радаваць вока і слых жаночай аўдыторыі.
Творчая каманда «Нашай раніцы» пайшла яшчэ далей і вырашыла паказаць ідэальны жаночы дзень... зноў жа, мужчынскімі вачыма. «Неафіцыйны дэвіз святочнай праграмы — «Адчуйце наш боль, мужчыны!» — інтрыгуе кіраўнік дырэкцыі ранішняга вяшчання Таццяна Рудакоўская. У прыватнасці, вядучым давядзецца выпрабаваць на сабе касметычныя працэдуры па доглядзе за тварам, атрымаць кансультацыю дыетолага і, што называецца, як след пранікнуцца, што такое дэпіляцыя... А некаторым трэба будзе праявіць сябе на кухні — не тэлевізійнай, а звычайнай. Прычым, мяркуючы па анонсах, якія з'явіліся ў сацыяльных сетках тэлеканала, там будзе горача ў прамым і пераносным сэнсе.
Вікторыя ЦЕЛЯШУК
Фота прадастаўлена тэлеканалам АНТ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».