Вы тут

Брэсцкі гарвыканкам аб'явіў конкурс на найлепшую песню пра родны горад


Брэсцкі гарвыканкам аб'явіў конкурс на найлепшую песню пра родны горад. Музычны праект «Песні пра Брэст» прысвячаецца 1000-гадоваму юбілею горада, які будзе святкавацца налета. Распрацавана і апублікавана палажэнне аб конкурсе для тых, хто пажадае далучыцца да ўдзелу.


— А паспрабаваць сябе ў такой творчай справе запрашаем і прафесійных, і самадзейных паэтаў ды кампазітараў, — расказала загадчык сектара культуры аддзела ідэалагічнай работы, культуры і па справах моладзі гарвыканкама Святлана СЯМАШКА.

Паводле слоў Святланы Мікалаеўны, ідэя праекта зарадзілася не ўчора. Апошнім часам і ў сектар культуры, і да старшыні гарвыканкама звярталіся аўтары песень з просьбай уключыць іх творы ў праграму святочных канцэртаў. Вось і вырашылі пашукаць яшчэ больш талентаў. А заадно і падштурхнуць творчых людзей да напісання песень пра горад. Гэта могуць быць як патрыятычныя, так і лірычныя творы. Толькі б яны былі прыгожыя, яркія, ну і сучасныя, такія, якія хацелася б спяваць.

Паводле ўмоў конкурсу, словы песні павінны быць на беларускай альбо рускай мовах. Дапускаецца аранжыроўка твора прафесіяналамі ў галіне музыкі. Прапановы прымаюцца да 1 верасня. Конкурс пройдзе ў тры этапы: адборачны тур, падрыхтоўка песень да выканання і само выкананне альбо канцэрт. Ацэньваць работы будзе прафесійнае журы. Фінал запланаваны ў маі, напярэдадні святкавання тысячагоддзя. А дзясятка паўтара найлепшых твораў арганізатары плануюць апублікаваць у нотным зборніку — выніковым альбоме праекта «Песні пра Брэст». «Нават праз 50 альбо 100 гадоў нашчадкі змогуць знайсці гэты зборнік у бібліятэцы і параўнаць песні свайго часу з нашымі, — сказала Святлана Сямашка. — А раптам мы знойдзем такога таленавітага аўтара, песню якога ўжо праз паўгода-год усе будзем слухаць са сваіх тэлефонаў? Гэта ж тое, што нас, брастаўчан, здольнае аб'ядноўваць».

Святлана ЯСКЕВІЧ

Загаловак у газеце: Заспявай песню пра Брэст

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.