Вы тут

Святочная афіша для жанчын


5 цікавых мерапрыемстваў да Міжнароднага жаночага дня.


Эстрадная шоу-праграма «Аб чым маўчаць жанчыны»

Дзе: Маладзёжны тэатр эстрады (вул. Маскоўская, 18а)

Калі: 9 сакавіка, 19:00

Колькі каштуе: ад 11 р.

Тры сяброўкі, адна за другой, раскрыюць гледачам жаночыя сакрэты пра галоўнае: мужчын, бацькоў і дзяцей, свае мары і, канешне, пра каханне. Не хвалюйцеся: вы дакладна праведзяце гэты вечар з карысцю, атрымаеце добры настрой і абавязкова даведаецеся, пра што ўсё ж такі маўчаць жанчыны. Раім ісці на шоу з сяброўкай! 

У галоўных ролях: Марыя Траццякова, Вольга Осіпава, Наталля Пішчыкевіч.


Спектакль «Бабін бунт»

Дзе: Музычны тэатр (вул. Мяснікова, 44)

Калі: 10 сакавіка, 18:00

Колькі каштуе: ад 9 р.

Спакойна цякло жыццё казацкага хутара: мужыкі гулялі, самагонкай песціліся, жонак у строгасці трымалі і для парадку пакалочвала. Жанчыны ні ў чым ім не пярэчылі, цярпліва зносілі іх п'яныя выхадкі, старанна займаліся хатняй гаспадаркай. І нішто, здавалася б, не прадвяшчала бяды. Але тут з горада вярнулася ў родны край Насця і пачала мясцовых жанчын новаму жыццю вучыць, іх самасвядомасць абуджаць. Вось і падзяліўся хутар на два непрымірымых лагера: на жаночую камуну і мужыцкую арцель. Словам, пачаўся бунт...


Выстава «Вясна ўражанняў»

Дзе: Галерэя Міхаіла Савіцкага (пл. Свабоды, 15)

Калі: па 22 красавіка

Колькі каштуе: 10 р.

3 сакавіка ў Мастацкай галерэі Міхаіла Савіцкага адкрылася новая вялікая персанальная выстава вядомага расійскага мастака Нікаса Сафронава пад назвай «Вясна ўражанняў». Яна складаецца з больш чым 100 жывапісных і графічных работ: партрэтаў дзяржаўных дзеячаў і зорак сусветнага шоу-бізнесу, сімвалісцкіх і кубістычных кампазіцый, а таксама палотнаў у тэхніцы DreamVision, за якую мастак быў уключаны ў «Кнігу рэкордаў Гінеса».


Фільм «Я худнею»

Дзе: кінатэатры Мінска

Калі: з 8 па 18 сакавіка

Колькі каштуе: удакладняць у касе

Новая расійская камедыя — выдатная магчымасць ад душы пасмяяцца над праблемай, якая хвалюе большасць жанчын на планеце, асабліва напярэдадні вясновага цяпла. Адкладваем усе справы, бярэм лепшую сяброўку і ідзем у кіно!

У галоўных ролях: Аляксандра Борціч, Ірына Гарбачова, Сяргей Шнураў.


Love-квэст

Фота: sochi.mir-kvestov.ru

Дзе: «Краіна міні» (пр-т Незалежнасці, 25)

Калі: па 14 сакавіка

Колькі каштуе: 4 р. на дваіх

Дзякуючы квэсту, вы ненадоўга выпадзе з рэальнасці. Вас захопяць у палон самыя гучныя легенды пра каханне ў гісторыі нашай краіны...

Квэст падыдзе для закаханых і проста сяброў.

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра дастаўку шафы, пасажыра вярхом на памідоры і канцэрт Віктара Вуячыча.