18 Верасень, аўторак

Вы тут

Пайшоў з жыцця беларускі дыпламат Валянцін Вялічка


На 74-м годзе пайшоў з жыцця вядомы дзяржаўны дзеяч, выбітны дыпламат, кандыдат эканамічных навук Валянцін Вялічка, паведамілі ў Міністэрстве замежных спраў Беларусі.


"Ураджэнец Мінскай вобласці Валянцін Уладзіміравіч значную частку сваёй прафесійнай дзейнасці правёў на Гомельшчыне. З 1968 па 1993 год працаваў на розных пасадах у Гомельскім абкаме камсамола, Гомельскім абласным савеце прафсаюзаў, Савецкім райкаме КПБ г.Гомеля, Гомельскім аблвыканкаме, Савеце аб'яднання прафсаюзаў Гомельскай вобласці" , - распавялі ў МЗС.

Амаль чвэрць стагоддзя яго жыццёвы шлях быў звязаны з міжнароднай дзейнасцю. Валянцін Уладзіміравіч зрабіў значны ўклад у станаўленне дыпламатычнай службы незалежнай беларускай дзяржавы. Быў у ліку першых паслоў суверэннай Беларусі. У 1993-1997 гадах узначальваў пасольства Беларусі ў Латвіі, быў акрэдытаваны ў Фінляндыі па сумяшчальніцтве. У 1997-1998 гадах займаў пасаду міністра па справах Садружнасці Незалежных Дзяржаў Рэспублікі Беларусь. З 1998 па 2016 год працаваў на кіруючых пасадах у сістэме МЗС Беларусі: пасол па асаблівых даручэннях, першы намеснік міністра замежных спраў. З 2001 па 2016 год быў Надзвычайным і Паўнамоцным Паслом Беларусі ва Украіне.

Быў узнагароджаны дзяржаўнымі ўзнагародамі: медалём "За працоўную адзнаку", ордэнам Пашаны, ордэнам Айчыны III ступені, а таксама Ганаровай граматай Вярхоўнага Савета БССР, двойчы - Ганаровай граматай Савета Міністраў Беларусі.

"Шчыры, спагадны і прынцыповы чалавек, Валянцін Уладзіміравіч карыстаўся аўтарытэтам і заслужанай павагай на ўсіх вехі свайго працоўнага шляху. Памяць пра Валянціна Уладзіміравіча Вялічку застанецца ў сэрцах яго калег і сяброў", - падкрэслілі ў знешнепалітычным ведамстве.

Дадаць каментар

Выбар рэдакцыі

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.

Эканоміка

Ці можна кіраваць попытам спажыўцоў?

Ці можна кіраваць попытам спажыўцоў?

Ад спантаннай пакупкі са «зніжкай па-беларуску» можна не толькі не атрымаць якой-небудзь эканоміі, але і пераплаціць за яе.

Культура

У Мінск прыедуць «Іліяда» на папірусе і найстаражытнейшыя фрагменты Бібліі

У Мінск прыедуць «Іліяда» на папірусе і найстаражытнейшыя фрагменты Бібліі

Выстаўка адкрываецца ў Нацыянальнай бібліятэцы Беларусі.

Грамадства

Андрус Пулакас: У Беларусі шукаю не адрозненні, а супадзенні

Андрус Пулакас: У Беларусі шукаю не адрозненні, а супадзенні

З Літвой у нас агульнае гістарычнае мінулае, і зараз яна – наша бліжэйшая суседка ў Еўрасаюзе.