Вы тут

Чаму забаронена нарыхтаваць на дровы бабровы павал?


З вёскі Якавічы Браслаўскага раёна патэлефанавала Інеса Іванаўна Астапко. Сказала, што хацела нарыхтаваць дровы, званіла з гэтай нагоды ў Опсаўскае лясніцтва. Прасіла выдзеліць або дзялянку з лесам на пні, або бабровыя павалы.


— Мне адмовілі, сказалі, што не могуць выдзеліць. А мне сусед якраз даў пачытаць «Звязду» ад 27 лютага, дзе вы пішаце, як можна нарыхтаваць бураломную драўніну — па ордары і на платнай аснове. Чаму тады мне нельга? Купляць гатовыя дровы пры нашых невялікіх зарплатах дорага, мы хацелі б іх самі нарыхтаваць. Нас бы 10 кубоў цалкам задаволілі, — гаварыла заяўніца.

Па каментарыі мы звярнуліся да Уладзіслава Цецяронка, галоўнага ляснічага Нацыянальнага парку «Браслаўскія азёры», на тэрыторыі якога знаходзіцца вёска жанчыны.

Суразмоўнік растлумачыў, што з 1 студзеня 2017 года ўступіў у сілу Лясны кодэкс Рэспублікі Беларусь. Дык вось, згодна з ім, на тэрыторыі нацпарку (гэта датычыцца не толькі яго) забаронены высечкі, калі яны не былі запланаваны лесаўладкаваннем. Таму фізічным асобам цяпер і нельга набыць лес на пні ці заняцца нарыхтоўкай дроў з бабровых павалаў. Тыя высечкі, якія прызначаюцца самастойна, можа праводзіць толькі сам лясгас. Адпаведна, толькі ў яго ахвотныя могуць набыць дровы, але ўжо гатовыя.

Як расказаў Уладзіслаў Віктаравіч, заяўніцы з вёскі Якавічы было прапанавана наведаць лясніцтва, каб на месцы атрымаць больш падрабязныя адказы на яе пытанні. Пакуль яна там не з'яўлялася.

Сяргей РАСОЛЬКА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.