Першы нацыянальны канал Беларускага радыё з першых дзён сакавіка пачаў прымаць заяўкі на VІІ Рэспубліканскі творчы радыёконкурс «Маладыя таленты Беларусі».
Анкеты ад выканаўцаў ва ўзросце ад 10 да 21 года, якія развіваюцца ў розных музычных жанрах — эстрадны вакал, інструментальная музыка (сола і ў складзе калектываў з 2—4 чалавек), музычны фальклор, — прымаюцца да 31 сакавіка ўключна ў Доме радыё (вул. Чырвоная, 4, 220014, Мінск) альбо на электронную пошту tаlеntbеlаrus@gmаіl.соm з паметкай «Маладыя таленты Беларусі — 2018».
У тэрмін да 15 красавіка прафесійнае журы правядзе папярэдні адбор дасланых матэрыялаў, а да канца красавіка адбудуцца два туры жывых праслухоўванняў. Фінал — канцэрт радыёконкурсу, а таксама абвяшчэнне і ўзнагароджанне пераможцаў запланаваныя на май гэтага года. Пры гэтым падрабязная інфармацыя пра ход усіх тураў і іх вынікі будуць даступныя на сайце Першага нацыянальнага канала Беларускага радыё www.rаdіо1.bу і на старонках радыё ў сацыяльных сетках.
Вікторыя ЗАХАРАВА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.